Matio 22:44 - Kije Manido Odikido8in: Ocki Mazinaigan

⁴⁴ ‘Ka Tibendjigedj ogi inan ka Tibenimijindjin: Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.’ Psaume 110.1

Matio 22:44 Iomraidhean Croise

Matio 22:45

David dac ‘Ka Tibenimijidj’ odijinikanan ini a8ian Kije Manidon kagi ikidonipanin kidji pidjinija8andjin. Adi dac kegi odji ijisedj David kidji odanike ojisidj ini?”

Matio 26:64

Jesos ogi nak8e8ajian: “Mi ekido8an kin. Ki8idamonom dac, aja pecodj kiga 8abamijim nin, Ka pi Anicinabe8iidizodj, kidji abian Kije Manido ma8adji ka kitci macka8izidj okitcinikikag, acitc kiga 8abamijim kidji pi najiseian nena8idj 8ak8ikag.”

Min8adjimo8ini kagi ojibiag kitcit8a Mak 16:19

Apitc ka ick8a aiamiadjin Jesos ka Tibendjigedj okikinoamaganan, ki icpika 8ak8ig acitc ki nda abi Kije Manidon okitcinikinikag.

Min8adjimo8ini kagi ojibiag kitcit8a Lok 19:27

Igi8e dac ka madjenimiji8adj, ega kagi nda8enimiji8adj kidji ogima8i8ag, pidji8ijikog acitc nisikog nigan ninikag!’ ” Mi ka inadisokedj Jesos.

John 20:28

Tomas dac ogi nak8e8ajian: “Ka Tibenimijidj acitc Nikije Manidom!”

1 Konit 15:25

Panima mega 8in Jesos ki ogima8idj pinici Kije Manido kidji cagodjiadjin kakina ini8e ka madjenimandjin Jesosan.

Pilip 3:8

Ka8in eta ini kegonan ka pi mikodamanin ega pabajine ka apitendamanin nogom, acitc kakinagotc ini kegonan ke kacki todamanin, ega pabajine ka abadagin nidapitendanan. Nogom mega ninisidotan na8adj e kitci apitendag8ag kidji kikenimag Jesos Christ, 8in ka Tibenimijidj. Aja e kikenimag, ceck8at nidinendan ka todamaban kidji k8ag8e k8aiak8abamijidj Kije Manido. Kakina nigi 8ebinanan ini8e kegonan ijinag8an, eckam kidji gi ani kikenimag Jesos Christ,

Ebaro 1:13

Ka8in 8ikad Kije Manido ododji inasin pejig ajenin adi kagi inadjin Og8izisan: “Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.” Psaume 110.1

Ebaro 1:3

Mi maia tabickotc epitci icpendagozindjin Og8izisan tabickotc 8in, acitc mi maia 8in tabickotc ejinagozindjin. Onagadjitoni Og8izisan kakina kegoni, e abadjitondjin ini ka kitci macka8izimaganigin odikido8inan. Ogi todan kidji kasiama8agani8indjin a8iagon opatado8ini, mina8adj dac Kije Manidon ka kitci macka8izindjin okitcinikinikag ki iji abi 8ak8ig.

Ebaro 12:2

Mamidonenimadan Jesos. 8in mega kigi minigonan teb8etamo8ini ockadok, acitc 8in ki8idjiigonan kidji teb8etamak pinici 8ak8ig kidji oditamak. Ki pagidenimidizo kidji nisagani8idj tcibaiatigokag, misa8adj e agazinagozidj ako a8iag iidi iji nibodj. Okikenimabanin mega Kije Manidon kidji minigodjin kidji kitci mina8azidj. Nogom dac taji abi Kije Manidon okitcinikinikag.

Kagi iji 8abadaagani8idj John 19:19

Midac nigi 8abama aa madji a8esiz acitc kakina ogimag akikag. Ki ma8adjiidi8an ocimaganicimi8an kidji nak8ita8a8adjin ini8e a8ian ka 8agidabindjin pebejigogack8ekag acitc ocimaganicimini.