Matio 21:17 - Kije Manido Odikido8in: Ocki Mazinaigan

¹⁷ Jesos dac ogi naganan ini Coda8innin, acitc Jerusalem ki odji madja, Betani (Béthanie) odenakag kidji ijadj. Ki niba dac iima.

Matio 21:17 Iomraidhean Croise

Matio 16:4

A8iagog nogom ka te8adj kitci madji a8iago8i8ag, acitc ka8in o8i teb8eta8asi8a8an Kije Manidon! Nik8ag8edjimigog kidji mamada8izi8ag kidji nda motci kikendamo8adj epitci teb8emaganig8en ii egi pidjinijaojindjin Kije Manidon. Ka8in sa dac niga mamada8izi8asin. Aja mega okikendana8a adi kagi iji8ebizindjin niganadjimo8innin Jonasan 8eckadj. Midac iima ke iji 8abadamo8adj mamada8izi8ini ka k8ag8ed8e8adj.” Midac Jesos ka iji naganadjin e madjadj.

Matio 26:6

Jesos tegoban Betani (Béthanie) odenakag, acitc ki ijagoban Simon omigi8aminikag. Simo dac kitci omigi8apinegoban.

Min8adjimo8ini kagi ojibiag kitcit8a Mak 11:1

Apitc Jesos acitc okikinoamaganan e ani pec8abadamo8adj Jerusalem odenani, pecodj Betapaje (Bethphagé) acitc Betani (Béthanie) odenajicikag, ki tag8icinog Olip (Oliviers) pik8adinajicini ka ijinikadenig. Iima dac, Jesos ogi niganinija8an nijin okikinoamaganan,

Min8adjimo8ini kagi ojibiag kitcit8a Mak 11:11

Jesos ki pidige Jerusalem odenani acitc ki ija iima Coda8inni kitci aiamiemigi8amikag. Aja 8ikadi8anoban. Midac apitc ka ick8a aiagineabidj, ki sagaam, acitc ki ija Betani (Béthanie) odenakag, kigi ka midatcin acitc nijindjin okikinoamaganan.

Min8adjimo8ini kagi ojibiag kitcit8a Mak 11:19

Apitc e ani onag8icinig, Jesos acitc okikinoamaganan ogi nagadana8a Jerusalemini.

Min8adjimo8ini kagi ojibiag kitcit8a Mak 14:3

Jesos tegoban Betani (Béthanie) odenakag, acitc ki ijagoban Simon omigi8aminikag. Simo dac kitci omigi8apinegoban. Meg8adj Jesos e taji 8isinipan iima, pejig ik8e ki tag8icin, e kitci min8acinig modaiabikoni e pidodj, e kicponebinig ka minomag8anig ka kitci sanaganig, “nard” ka ijinikadenigobanen. Aa dac ik8e ogi cenan ii modaiabikoni acitc ogi siginan ii ka minomag8anig Jesosan octig8anikag.

Min8adjimo8ini kagi ojibiag kitcit8a Mak 3:7

Jesos acitc okikinoamaganan ki ija8ag Galilee sagaiganikag, acitc kitci mane a8iagon ogi nosoneogo8an. Galilee akikag odji8agoban igi a8iagog, acitc Coda (Judée) akikag,

Min8adjimo8ini kagi ojibiag kitcit8a Lok 10:38

Jesos acitc okikinoamaganan pimodebanig. Ogi oditana8a pejig odenajicini, iima dac pejig ik8e8an, Mata (Marthe) ijinikazonigoban, ogi pidigeigo8an omigi8aminikag.

Min8adjimo8ini kagi ojibiag kitcit8a Lok 19:29

Apitc e ani pec8abadag Betapaje (Bethphagé) acitc Betani (Béthanie) odenajican, pecodj pik8adinajic Olip (Oliviers) ka ijinikadeg, Jesos ogi niganinija8an nijin okikinoamaganan acitc ogi inan:

Min8adjimo8ini kagi ojibiag kitcit8a Lok 24:50

Kegapitc dac Jesos ogi iji8inan okikinoamaganan ag8adjik odenakag pinici Betani (Béthanie) odenakag, midac iima ka iji icpiniketadj kidji aiamit8anadjin okikinoamaganan.

John 11:1

Pejig nabe akozigoban, Lazare ijinikazogoban. Nijibanin e ik8e8indjin o8idjiki8en, Mani acitc Mata (Marthe) ijinikazobanin. Betani (Béthanie) odenajicikag tajikebanig e midjinisi8adj.

John 11:18

8aiej nijotibaigan Betani apisinag8anogoban Jerusalemikag.