Matio 21:16 - Kije Manido Odikido8in: Ocki Mazinaigan

¹⁶ Ogi ina8an dac Jesosan: “Kinoda8ag na adi ekido8adj?” Jesos dac ogi nak8e8ajian: “Ee, ninoda8ag. Mazinadeni Kije Manido Omazinaiganikag: ‘8a8adj abinodjijag acitc tcidjicag kigi kikinoama8ag kidji icpenimik8a.’ Psaume 8.3 Kana dac 8ikad kidodji nabo8adasina8a ii?”

Matio 21:16 Iomraidhean Croise

Matio 11:25

Ii dac apitc Jesos ki ikido: “Nidadam, kin ka Tibendamanin 8ak8ig acitc aki, mig8etc kidinin, osa mega kigi kikendamonag abinodjijag kegonan ka kadama8ad8a a8iagog ka kagita8endamo8adj acitc ka omidonendjigani8adj.

Matio 12:3

Jesos dac ogi nak8e8ajian: “Kana 8ikad kidodji nabo8adasina8a Kije Manido Omazinaiganikag adi ka todamogobanen ogima David? Nigodin ki mamida8askade8agoban 8in acitc o8idji8aganan.

Matio 19:4

Jesos ogi nak8e8ajian: “Kana kidodji nabo8adasina8a Kije Manido Omazinaigan? Mazinadeni oo8eni: ‘Apitc ka kijendagin kakina kegonan, Kije Manido ogi kijeniman naben acitc ik8e8an.’ Genèse 1.27; 5.2

Matio 22:31

Kicpin dac 8i kikendameg ke apitci abidjiba8ag8en kagi nibo8adj, kana panima kida nabo8adasina8a adi eji 8idamago8eg Kije Manido Omazinaiganikag oo8e ekidodj?

Min8adjimo8ini kagi ojibiag kitcit8a Mak 13:17

Ii dac apitc, kada kitci kodagito8ag ik8e8ag ke kigicka8a8ag8en abinodjijan acitc igi8eni8ag ke tcodjocikea8aso8ag8en.

Min8adjimo8ini kagi ojibiag kitcit8a Mak 2:25

Jesos dac ogi nak8e8ajian: “Kana 8ikad kidodji nabo8adasina8a Kije Manido Omazinaiganikag adi ka todamogobanen ogima David? Nigodin midjimini onada8endana8agoban 8in acitc o8idji8aganan e mamida8askade8agobanen.

Min8adjimo8ini kagi ojibiag kitcit8a Lok 21:23

Ii dac apitc, kada kitci kodagito8ag ik8e8ag ke kigicka8a8ag8en abinodjijan acitc igi8eni8ag ke tcodjocikea8aso8ag8en. Kada kotadji kitci madjise mega ooma akikag, acitc Kije Manido oga pajacte8an a8iagon.