Matio 21:10 - Kije Manido Odikido8in: Ocki Mazinaigan

¹⁰ Apitc Jesos ka pidigedj Jerusalem odenakag, kakina a8iagog iima ka tajike8apan ogi kitci ki8ack8eiendamiigona8a adi eji8ebanig. “A8enen dac aa nabe?” iji k8ag8edjimidibanig.

Matio 21:10 Iomraidhean Croise

Matio 2:3

Apitc ogima Herod ka nodagedj ii, ki kitci migockadendam, acitc ke8ina8a kakina a8iagog Jerusalemikag ka tajike8adj.

Matio 21:11

Mane dac a8iagog ogi nak8e8ajia8an: “8in aa niganadjimo8inni, Jesos ka ijinikazodj, Nazaret odenakag 8edi Galilee akikag ka odjidj.”

Matio 21:9

A8iagog ka pimose8apan nigan Jesosikag, acitc ke8ina8a igi8e ka nosone8a8agobanen, kitci pabibagi8agoban: “Kitcit8a8endagozi ogima David odanike ojisan! Ca8endagozi aa8e ka Tibendjigendjin kagi pidjinijaogodjin! Kitcit8a8endagozi Kije Manido icpimig ka tedj!”

Min8adjimo8ini kagi ojibiag kitcit8a Lok 20:2

Ogi igon dac: “8idamaocinam, 8egonen 8edji todamanin ini kegonan? A8enen kagi pagidinik kidji todaman ii?”

Min8adjimo8ini kagi ojibiag kitcit8a Lok 5:21

Coda8inni kikinoamage8innig acitc Coda8innig ka nagadjito8agobanen inakonige8inan ki inendamo8agoban: “A8enen dac aa nabe? Omanazoman Kije Manidon! Ka8in a8iag tesi e kackitodj kidji kasiamagedj patado8inan, Kije Manido eta okackiton.”

Min8adjimo8ini kagi ojibiag kitcit8a Lok 7:49

Ini dac ka 8idji 8isinimadjin ki inendamon: “A8enen aa nabe ka kasiagin patado8inan?”

Min8adjimo8ini kagi ojibiag kitcit8a Lok 9:9

Herod dac ki inendam: “Nigi anoki kidji kickig8ega8agani8idj Cabadis. A8enen dac nogom ka mikomagani8idj?” Midac Herod ogi k8ag8e nda 8abaman Jesosan.

John 2:18

Midac nandam Coda8innig ka niganizi8adj ogi k8ag8edjima8an Jesosan: “Kicpin ikido8an Kije Manido kagi pagidinik kidji todaman ii, 8abadai8en e mamada8izian. Midac kidji kikendamag Kije Manido egi inik iidi kidji iji todaman!”

Jesos Odanodaganan Odijitcige8ini8an 9:5

Saul ki ikido: “Ka Tibendjigean! A8enen kin?” Ogi igon dac: “Nin Jesos, nin aa ka k8ag8e nanekadjiadj.