Matio 21:1 - Kije Manido Odikido8in: Ocki Mazinaigan

¹ Apitc Jesos acitc okikinoamaganan e ani pec8abadamo8adj Jerusalem odenani, pecodj Betapaje (Bethphagé) odenajicini ani tebanig, Olip (Oliviers) pik8adinajic ka iji tag8ag. Iima dac, Jesos ogi niganinija8an nijin okikinoamaganan,

Matio 21:1 Iomraidhean Croise

Matio 20:34

Ogi kidimageniman dac Jesos, acitc ogi taginan ockijigoni. Teci8ag dac ogi kackitona8agoban kidji 8abi8adj, acitc ogi nosone8a8an Jesosan.

Matio 21:2

acitc ogi inan: “A8i ijaok 8edi odenajicikag nigan ka tag8ag. Iima dac kiga mika8a8a pejig noje misaboz e sagapizodj, kigi omisabozociman. Pagidabaokog dac acitc pidji8ijikog ooma.

Matio 24:3

Jesos ki a8i abigoban Olip (Oliviers) pik8adinajicikag. Okikinoamaganan dac eta ogi pi nazikagon, acitc ogi k8ag8edjimigon: “8idamaocinam anapitc ke iji8ebag ii, acitc 8egonen ke 8abadai8emagag e odjitciseg kidji pi koki tag8icinian, acitc kidji ponaki8ag.”

Matio 26:30

Ki nigamo8ag dac ini aiamie nigamo8inan ka nigamonani8anig ako apitc e Kitci Magocani8anig, midac ka iji ija8adj 8edi pik8adinajicikag Olip (Oliviers) ka ijinikadenig.

Min8adjimo8ini kagi ojibiag kitcit8a Mak 13:3

Jesos ki abi Olip (Oliviers) pik8adinajicikag, nigan Coda8inni kitci aiamiemigi8amikag. Pien, Jak, John, acitc Andre, 8ina8a eta o8idji8a8abanin Jesosan. Ogi k8ag8edjima8abanin dac:

Min8adjimo8ini kagi ojibiag kitcit8a Mak 14:26

Ki nigamo8ag dac ini aiamie nigamo8inan ka nigamonani8anig ako apitc e Kitci Magocani8anig, midac ka iji ija8adj 8edi pik8adinajicikag Olip (Oliviers) ka ijinikadenig.

Min8adjimo8ini kagi ojibiag kitcit8a Lok 21:37

E kijiganig ako, Jesos kikinoamagegoban Coda8inni kitci aiamiemigi8amikag. E onag8icinig dac, 8edi pik8adinajicikag, Olip (Oliviers) ka ijinikadenig, ijagoban ako.

Min8adjimo8ini kagi ojibiag kitcit8a Lok 22:39

Jesos dac ki sagaam acitc ki ija 8edi pik8adinajicikag, Olip (Oliviers) ka ijinikadenig, mojag ako ka ijagobanen. Okikinoamaganan ogi nosoneogon.

John 8:1

Jesos dac 8in ki ija pik8adinajicikag, “Olip” (Oliviers) ka ijinikadenigobanen.

Jesos Odanodaganan Odijitcige8ini8an 1:12

Olip (Oliviers) pik8adinajicikag te8agoban kakina Anodaganag. Midac ki koki ki8e8ag Jerusalemikag. Ii dac pik8adinajic 8aiej abita tibaigan inigik apisinag8anoban Jerusalem odenakag.