Matio 20:7 - Kije Manido Odikido8in: Ocki Mazinaigan

⁷ “Ogi nak8e8ajiigon dac: ‘Ka8in mega a8iag nidodji anonigosinan.’ ” “Ogi inan dac: ‘A8i mikimok sa kekina8a nikitigan akikag.’ ”

Matio 20:7 Iomraidhean Croise

Matio 20:1

Jesos mina8adj ki ikidogoban: “8adan oo ejinag8anig Kije Manido Odogima8i8in. Nigodin 8ibadj e kijeba8acinig pejig a8iag ka tibendag kitigan akini ki sagaamogoban e nanada 8abamadjin nandam anokitage8innin kidji gi mikimondjin okitigan akikag.

Matio 20:6

Kegapitc dac, 8aiej e nanotibaiganeanigobanen e ick8a abitakijiganig, mina8adj ki koki sagaamogoban acitc ogi odji mika8agoban nandam kodagian naben kiabadj e paba naniba8indjin ka iji ada8ani8anig ega e nigod ijitandjin. Ogi k8ag8edjiman dac: ‘8egonen 8edji paba naniba8ieg ooma kabe kijik, ega e nigod ijitaieg?’ ”

Matio 20:8

“Apitc dac e ani onag8icinig, aa8e ka tibendag kitigan akini ogi inan ini ka kackakanandjin kakina anokitage8innin: ‘Nd8e8emik kakina anokitage8innig, acitc kijikaok egi mikimo8adj. Igi8e dac ick8eag kagi anonagani8i8adj nitam kiga kijika8ag, acitc dac igi8e nitam kagi madjita8adj, ick8eag kiga kijika8ag.’ ”

John 9:4

Meg8adj e teian ooma akikag, ni8asenama8ag a8iagog ooma akikag. Meg8adj dac e kijigag, panima kida anokita8anan aa ka pidjinijaojidj. Aja kegat kada tibikan, apitc ega a8iag ke kackitodj kidji mikimodj.”

Jesos Odanodaganan Odijitcige8ini8an 4:16

Ki ikido8ag: “Adi ke toda8aiakonig ogo nabeg? Kakina aja a8iagog ooma Jerusalemikag okikendana8a egi mamada8izindjin. Ka8in dac kigagi ikidosimin ega e teb8emagag ii.

Ojibiama8agani8i8ag ka teb8etamo8adj Rom odenakag 16:25

Icpenimadan Kije Manido! 8in okackiton kidji sogigaba8iigo8eg kiteb8etamo8ini8akag, kiteb8etana8a mega ii min8adjimo8in ka paba tibadjimo8an, e paba mikomag Jesos Christ. Nogom ki kikendamoni8e Kije Manido ii min8adjimo8ini, odakanag ako ka kadamago8akoban.

Epes 6:8

Mamik8endamok dac oo8e. Kakina mino kegoni ke todag a8iag ooma akikag, ka Tibendjigendjin oga kijikagon adi kagi iji kackitamadizodj, misa8adj e tibenimagani8idj kidji anokitagedj kek8an 8in tibina8e tibenimidizodj.

Kolosi 1:26

Ka ako kijendjigadenig akini, Kije Manido ogi kadama8an kakina a8iagon ka pi ani aianike nta8igindjin adi kagi iji onendag kidji todag. Nogom dac aja 8e8enda ogi 8idama8an odanicinabeman.

Ebaro 6:10

K8aiakozi Kije Manido. Ka8in dac kada 8anikesi adi kagi iji mino ijitcigeieg acitc adi ka apitci sagieg. Kigi 8abadai8em dac adi epitci sagieg apitc ka 8idoka8eg8a odanicinabeman acitc kiabadj nogom ka 8idoka8eg8a.