Matio 19:28 - Kije Manido Odikido8in: Ocki Mazinaigan

²⁸ Jesos dac ogi nak8e8ajian: “Teb8e ki8idamonom, apitc Kije Manido koki ojitodjin kakina kegonan, Ka pi Anicinabe8iidizodj kada taji abi odogima8i tesabi8aganikag ka kitci icpendag8anig. Ii dac apitc, kina8a ka midatcin acitc nijieg kagi nosoneojieg, kiga abim kekina8a pepejig e tacieg kidogima8i tesabi8agani8akag, kidji tibakoneg8a ka midatcin acitc niji8adj ka inakanezi8adj Israel a8iagog.

Matio 19:28 Iomraidhean Croise

Matio 16:27

Aa8e mega Ka pi Anicinabe8iidizodj kada pi tag8icin kigi odajeniman, e 8abadai8edj Odadaman odicpendagozi8ini. Oga kijika8an dac pepejig a8ian kagi iji kackitamadizondjin adi ka pi inadizindjin.

Matio 19:27

Pien dac ogi inan: “Nina8it, kakina kegon nigi nagadananan acitc kigi nosoneogo. 8egonen dac ke odisigo8ag?”

Matio 20:21

Jesos dac ogi k8ag8edjiman: “8egonen neda8endaman?” Ogi nak8e8ajiigon dac: “Kinada8enimin kidji ijian kidji kitci apitendagozi8adj ogo8e ka niji8adj nig8izisag kidogima8i8inikag, kidji abi8adj dac opimena kinikag, pejig kikitcinikikag acitc pejig kinamadinikikag.”

Matio 25:31

“Apitc pi tag8icig Aa8e Ka pi Anicinabe8iidizodj kigi kakina ajenig, kidji pi ogima8idj, kada pi nda abi okitci ogima8i tesabi8aganikag ka kitci icpendag8anig kidji tibakonadjin a8iagon.

Matio 6:33

Tiegodj pinama mamidonendamok Kije Manido Odogima8i8in acitc adi ke iji k8aiakopimadizieg adi eji nda8enimigo8eg Kije Manido. Misa dac kiga minigo8a kakina ini kegonan kegi nda8endamegon.

Matio 8:20

Jesos dac ogi inan: “8agocag o8aji8ag acitc pinecijag o8asasoni8ag, pekic dac nin, Ka pi Anicinabe8iidizodj, ka8in nidaiasin migi8am ke iji an8ecimono8an.”

Min8adjimo8ini kagi ojibiag kitcit8a Mak 10:37

Ogi nak8e8ajiigon dac: “Apitc ke ogima8ian Kidogima8i8inikag ka kitci icpendag8ag, pagidinicinam kidji kitci apitendagoziag, kidji abiag dac opimena kinikag, pejig kikitcinikikag, acitc pejig kinamadinikikag.”

Jesos Odanodaganan Odijitcige8ini8an 3:21

Nogom sa 8in, inendagozi Jesos 8ak8ig kidji tedj, pinici kakina kegoni kidji ocki madjitamaganig. Mi ii Kije Manido kagi iji tibadjimodj, kidji todag kakina kegoni kidji ocki madjitamaganig, okitcit8a niganadjimo8inniman e anonadjin kidji tibadjimondjin aja 8eckadj.

2 Timote 2:12

Kicpin cacibendamak e kodagito8ak, kiga 8idji ogima8imanan. Kicpin ana8enimaiak, ke8in kiga ana8enimigonan.

2 Pien 3:13

Kije Manido dac ki ikido kidji tag8anigin ocki 8ak8ini acitc ocki akini, taji kakina a8iagog ke iji k8aiak8adizi8adj. Midac ii ka pito8ak.

Kagi iji 8abadaagani8idj John 11:16

Igi8e dac ka nijidana acitc nio8adj kitci anicinabeg ka abi8adj kitci ogima8i tesabi8aganikag nigan Kije Manidokag, ogi nibak8ita8a8an acitc ogi icpenima8an.

Kagi iji 8abadaagani8idj John 12:1

Kegapitc kegon e kitci mamakazinag8ag 8ak8ig ki odji pi nag8an, e 8idamagemagag adi ke iji8ebag. Pejig ik8e nigi 8abama. Kizison okonasi8age. Tibikikizisokag iji 8agidjigaba8iban. Midatcin acitc nijin 8anagocan sizok8epizo8ageban.

Kagi iji 8abadaagani8idj John 20:4

Ick8a dac ii, nigi 8abadanan nandam kitci ogima8i tesabi8aganan, a8iagog abibanig iima. Kije Manido ogi minigo8abanin macka8izi8ini kidji tibakona8adjin a8iagon. Nigi 8abamag acitc odjitcagoci8an igi8e kagi kickig8ega8agani8i8apan, osa mega ki 8idamagebanig adi ka pi todamindjin Jesosan acitc ki paba tibadjimobanig Kije Manidon odikido8ini. Ka8in 8ina8a ododji icpenimasi8a8an madji a8esizan kek8an ini manidokanan aa a8esiz ejinagozidj ka ijinagozindjin, acitc ka8in kikina8adjibiigani ojibiigadesiniban oskatigo8akag acitc onidji8akag. Ki koki pimadizibanig igi, acitc pejig kitci midasomidana8e (1000) pibon inigik ogi 8idji ogimami8a8an Jesosan.

Kagi iji 8abadaagani8idj John 21:5

Aa8e dac ka abidj kitci ogima8i tesabi8aganikag ki ikido: “Ndotamok! Nikoki kijendanan kakina kegonan.” Midac ka ijidj: “Ojibian oo8e, teb8emaganon mega nidikido8inan, ka8in nikagina8ickisi.”

Kagi iji 8abadaagani8idj John 22:2

Nena8idj mikanakag iji pimajiga8in ii sibi iima odenag. Mitig pimadizi8ini ka migi8edj madjigi tcigibiag, nenida8ina sibikag iji madjigi. Taso kizis mini8i, midatcin acitc nijinanaj pejigopibon. Mackiki8ani8an onibicibagoman, kakinagotc a8iagog ka inakanezi8adj okigeigo8an ini nibicibagon.

Kagi iji 8abadaagani8idj John 22:5

Ka8in mina8adj kada tibikasinon, ka8in dac oga nda8endasina8an 8asakonendjiganan acitc ka8in oga nda8enimasi8a8an kizison, osa mega 8in tibina8e Kije Manido oga 8asenama8an. Apanigotc dac kada ogima8i8an.

Kagi iji 8abadaagani8idj John 3:21

Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.

Kagi iji 8abadaagani8idj John 4:4

Nijidana acitc ni8in (24) kitci ogima tesabi8aganan 8ajagametebanin ii kitci ogima8i tesabi8aganikag, acitc nijidana acitc ni8in kitci anicinabeg taji abibanig. 8abiginoobanig, acitc oza8iconia sizok8epizonan okigickana8abanin.

Kagi iji 8abadaagani8idj John 7:4

Nigi nodage dac adi inigik a8iagog kagi kikina8adjibi8agani8i8apan. Midasomidana acitc nimidana acitc ni8in kitci midasomidana8e8agoban (144 000). Midatcin acitc nijin ka inakanezi8adj Israel a8iagokag kakina 8aodjibanig.