Matio 18:14 - Kije Manido Odikido8in: Ocki Mazinaigan

¹⁴ Midac pejig8an, Kidadami8a 8ak8ig ka tedj, ka8in 8a8adj iaga pejig onada8enimasi8an kidji 8anicinindjin ini ega ka apitendagozindjin a8iagon.”

Matio 18:14 Iomraidhean Croise

Matio 18:13

Teb8e ki8idamonom, kicpin mika8adjin, na8adj kada kitci min8endam egi mika8adjin ini mantcenican, apitc8in ini8e ka aia8adjin kodagian ka cagidasomidana acitc cagidatcinindjin omantceniciman ega 8ikad ka 8anicinindjin.

Matio 18:15

“Kicpin kidjiki8e madji todaok, a8i nda 8abam acitc 8idamao 8e8enda adi eji 8isagendamiik, apitc kina8a eta e teieg. Kicpin dac nisidotag, kigi kackima kidji gi koki mino 8idjiok.

Matio 5:16

Mi iidi enendag8ag kidji inasakoneg ki8asakonendjigani8a a8iagog odji, kidji gi 8abadamo8adj adi eji mino ijitcigeieg, acitc kidji gi odji icpenima8adjin Kije Manidon Kidadami8an, 8ak8ig ka tendjin.”

Matio 6:32

Mi mega igi8e ega ka teb8eta8a8adjin Kije Manidon apanigotc ka nanada 8abadamo8adjin kakina ini kegonan. Kina8a dac 8in, Kidadami8a 8ak8ig ka tedj okikendan e nda8endamegon ini kakina kegonan kidji pimadjio8eg.

Matio 6:9

Apitc dac aiamieieg, mi oo8e ke ikido8eg: Nidadaminan, 8ak8ig ka tean, 8egona kakina a8iag kitcit8a8endag kidijinikazo8ini.

Min8adjimo8ini kagi ojibiag kitcit8a Lok 12:32

“Ka8in kotadjikegon, kina8a ninikag ka iji tibendagozieg. Kije Manido mega ki onendam kidji kikendamonigo8eg kidji teieg kekina8a Odogima8i8inikag.

John 17:12

Meg8adj ka 8idji8ag8a, ninagadjiabanig, ki8izon kagi minijian e abadjito8an. Pejig dac eta ka taci8adj ki 8anicin, mi aa8e kagi inendagozidj kidji 8anicig. Kitci Mazinaiganikag ki nigani mazinadeni kidji 8anicig, midac ii kagi iji8ebizidj.”

John 21:15

Ka ick8a 8isini8adj, Jesos ogi inan Simo Pienan: “Simo, John og8izisan! Na8adj na kisagiijinan apitc8in ogo8e ka iji sagiiji8adj?” Simo dac ogi nak8e8ajian: “Ee, Tebendjigean! Kikikendan e sagiinan.” Jesos dac ogi inan: “8e8enda kana8enimik dac nimantcenicesimag.”

2 Timote 2:10

mi 8edji mizi8e cacibendaman meg8adj e kodagito8an. Nidick8ata kidji kodagito8an, kidji gi 8idjiagani8i8adj igi8e Kije Manidon kagi onabamigo8adjin, ke8ina8a kidji gi ag8acimigo8adjin Jesos Christan, kagige dac kidji 8idji tajikema8adjin Kije Manidon odicpendagozi8inikag.

Ebaro 12:13

Ka8in ponitokegon kidji nosoneameg k8aiak mikana. Igi8e dac ka cagozi8adj oteb8etamo8ini8akag, ka8in kada ana8endjigesi8ag, tiegodj kada ani macka8izi8ag.

2 Pien 3:9

Ka8in pabedjisi ka Tibendjigedj kidji todag adi kagi ikidodj, tabickotc nandam ka inendamo8adj. Tiegodj cacibendam kina8a odji. Ka8in mega onada8endasin kidji nici8anadjiondjin a8eneni8anigotc, onada8eniman kakina a8iagon kidji gi an8endizondjin.