Matio 18:10 - Kije Manido Odikido8in: Ocki Mazinaigan

¹⁰ “Iag8amig! Ka8in tabasenimakegon pejig ii e taci8adj igi8e ega ka kitci apitendagozi8adj. Teb8e ki8idamonom, odaia8a8an ajenin 8ak8ig ka tendjin e nagadjiigo8adjin, acitc apanigotc Nidadaman 8ak8ig ka tendjin o8idji tajikema8an igi ajenig.

Matio 18:10 Iomraidhean Croise

Matio 1:20

Ka8in maci ododji onendasinaban adi ke inakamigizidj, apitc ka pi nda 8abamigodjin ka Tibendjigendjin odajenimini meg8adj e nibadj. Ajenin dac ogi igon: “Josep, kin David odanike ojisan, ka8in segiziken Mani kidji iji o8idigemaganian. Teb8e mega Mino Manidon ogi minigon kidji kigicka8adjin abinodjijan.

Matio 12:20

Kada kitci nokadizi apitc paba tedj ka iji cagozindjin a8iagon, tabickotc ka kagan8ackosi8agagin mijackon ka ani piskiginigin ka ijinagozindjin. Oga 8idjian ini8e ka cagozindjin oteb8etamo8inikag, tabickotc 8asakonendjigan ana8iz ka 8asakoneg ka ijinagozindjin. Oga todan ii pinici kidji ndotaomagani8indjin Kije Manidon, kakina a8iagon kidji gi odji ag8acimagani8indjin.

Matio 18:14

Midac pejig8an, Kidadami8a 8ak8ig ka tedj, ka8in 8a8adj iaga pejig onada8enimasi8an kidji 8anicinindjin ini ega ka apitendagozindjin a8iagon.”

Matio 18:6

“A8enenigotc dac ke 8ik8adjiag8enin kidji patadindjin pejig ini ega ka apitendagozindjin ka teb8etaojindjin, na8adj kada minoseni kidji acodapinagani8indjin kitci asinin og8ei8akag aa a8iag, acitc kidji nisaba8anagani8idj kitcigamikag.

Matio 2:13

Ka ick8a madja8adj igi8e nabeg 8abanog ka odji8adj, ka Tibendjigedj odajeniman ogi pi nda 8abamigon Josep meg8adj e nibadj, acitc ogi igon: “8anickan, madji8ij aa abinodjij kigi odjodjoman, acitc Idjip (Égypte) akikag ipai8en. Tajiken 8edi, pinici kidji 8idamonan anapitc ke pi koki ki8ean. Ogima Herod mega oga nanada 8abaman ini abinodjijan kidji nisadjin.”

Matio 2:19

Apitc ka nibodj ogima Herod, ka Tibendjigedj odajeniman ogi pi nda 8abamigon Josep, 8edi Idjip (Égypte) akikag, meg8adj e nibadj.

Matio 24:31

Kada nodag8an kitci podadjigan acitc niga ijinija8ag nidajenimag mizi8ekamig kidji a8i ma8adjia8adjin kakina a8iagon kagi onabamimagin.”

Min8adjimo8ini kagi ojibiag kitcit8a Lok 1:19

Ajeni ogi nak8e8ajian: “Nin Gabriel, kabe nidanokita8a Kije Manido. Nigi pidjinijaog kidji aiamiinan acitc kidji pidamonan oo8e min8adjimo8in.

Min8adjimo8ini kagi ojibiag kitcit8a Lok 10:16

Okikinoamaganan kiabadj ogi inan: “Aa8e ke ndotago8eg8en, kenin ninadotag, acitc aa8e ke ana8etago8eg8en, kenin nidana8etag. Aa8e dac ke ana8etaojidj, odana8eta8an ke8in ini8e kagi pidjinijaojindjin.”

Min8adjimo8ini kagi ojibiag kitcit8a Lok 16:22

“Kegapitc ka kidimagizidj ki nibo, acitc ajenig ogi iji8ina8an 8ak8ig, pecodj Abanaamikag (Abraham) ogi iji asa8an. Ka oconiamidj dac ke8in ki nibo acitc ki naatcigadeni o8ia8.

Jesos Odanodaganan Odijitcige8ini8an 10:3

Nigodin, 8aiej e nisotibaiganeanig e ick8a abitakijiganig, Konelias ki ijinam Kije Manidon odajenimini e ani pidigendjin omigi8amikag acitc e 8inigodjin “Konelias!”

Jesos Odanodaganan Odijitcige8ini8an 12:15

Ki inagani8i: “Kiki8ack8enadok!” Kiabadj aa ik8e ogi inan Pienan iima e tendjin ick8ademikag. Midac ki nak8e8ajiagani8i: “Odajenimidog8enan ini!”

Jesos Odanodaganan Odijitcige8ini8an 12:23

Herod ki min8endam egi icpenimagani8idj, ka8in dac ododji inasin: “Ka8in nin nimanido8isi, Kije Manido eta inendagozi kidji icpenimagani8idj,” kidji gi ikidopan. Midac Kije Manido odajeniman ogi minigon akozi8ini 8aa Herod. Kinebigosesan ogi amogon pidigamig omisadakag, midac ka iji nibodj.

Jesos Odanodaganan Odijitcige8ini8an 27:23

Kije Manidokag nidiji tibendagozinan, acitc nidicpenima. Onago 8enag8icig odajeniman nigi pi nda 8abamig.

Jesos Odanodaganan Odijitcige8ini8an 5:19

Anic dac meg8a tibik, ka Tibendjigedj odajeniman ogi cenamini ick8ademini kibaodimigi8amikag. Ogi 8abadaan dac adi ke odji sagaamindjin. Midac ka iji inadjin:

Ojibiama8agani8i8ag ka teb8etamo8adj Rom odenakag 14:10

Kin dac, 8egonen 8edji onenimadj kidjiki8e? 8egonen 8edji tabasenimadj? Kakina ka taciak Kije Manido kiga tibakonigonan.

Ojibiama8agani8i8ag ka teb8etamo8adj Rom odenakag 14:21

Kimino ijitcige dac kicpin ega midjian 8ias, acitc ega minik8ean cominabo, acitc ega odji pejig kodag kegon ijitcigean kegi odji pakebinadiban kidjiki8e.

Ojibiama8agani8i8ag ka teb8etamo8adj Rom odenakag 15:1

Kina8it ka macka8iziak kiteb8etamo8ininakag, panima ki 8idjiaiakonig ka cagozi8adj ka iji madjise8adj. Ka8in dac eta kina8it eji min8endamak kiga todasinanan.

1 Konit 11:22

Kicpin ii 8i todameg, kimigi8ami8akag kida taji 8isinim acitc kida taji minik8em. Ka8in min8acisinon kidji manenimagani8indjin Kije Manido odanicinabeman iidi! Ka8in min8acisinon kidji agadenimeg8a igi8e ega kegoni ka aiamo8adj! Adi dac ke ininagogiban? Kiga ininom na k8aiak e todameg iidi e inakamigizieg? Teb8e ka8in odji pejig kiga odji min8adjimisinonom.

1 Konit 16:11

Ka8in a8iag oga manenimasi8an Timoten. Tiegodj, 8idjiik kidji pekadendag e pabamadizidj, mina8adj kidji pi koki nda 8abamijidj. Aja mega nipiag 8in acitc kodagiag ka teb8etamo8adj.

1 Konit 9:22

Apitc 8idji8ag8a 8ina8a ka cagozi8adj oteb8etamo8ini8akag, ka8in nitodam8asin kegoni kidji gi odji inendamo8adj “nipanaagemin” kicpin iidi ke8ina8a todamo8adj. 8edji todaman dac ii, kidji 8idoka8ag8a na8adj kidji macka8izi8adj oteb8etamo8ini8akag. Adigotc dac ejinagozi8adj a8iagog, tabickotc 8ina8a ka inadizi8adj nik8ag8e inadizinan meg8adj e 8idji8ag8a kidji tibadjimo8an min8adjimo8in. Adigotc eji kackito8an kidji todaman, ni8i iji todan kidji gi 8idoka8ag8a nandam kidji ag8acimagani8i8adj.

2 Konit 10:1

Nogom dac nin Pon, kinada8eniminom kidji ndotaojieg 8e8enda. Tabickotc Jesos Christ ka apitci nokadizidj acitc ka apitci kije8adizidj, mi iidi 8a iji aiamiinagok. Nandam a8iagog nimikomigog e ikido8adj: “Kitci kocimo Pon apitc kina8itinakag e tedj. Apitc dac anodj paba tedj, mi apitc ketci kanonigo8ak.” Mi iidi ejigij8e8adj.

2 Konit 10:10

Nandam mega a8iagog nimikomigog e ikido8adj: “Apitc ako ojibiamago8ak Pon, kitci sanagani8an kegonan kidji todam8agidj adi eji k8ag8edjimigo8ak, acitc kikitci kanonigonan. Apitc dac tedj kina8itinakag, kitci cag8enimo, acitc ka8in odji pejig abadasini adi ekidodj,” mi ekido8adj.

Kalecia 6:1

Nidjiki8eg! Kicpin pejig e tacieg patadidj, kina8a ka kigickago8eg Mino Manido, kida 8idjia8a aa a8iag mina8adj k8aiak kidji inadizidj, anic dac pekadj mino todaok. Kakina dac pepejig e tacieg, kida iag8amim kina8a tibina8e, ega kidji odji 8ik8adjiigo8eg kidji patadieg kekina8a.

1 Tesalonika 4:8

Aa8e dac ka ana8endag ii kikinoamage8ini, ka8in 8in odana8enimasi8an a8ian, Kije Manidon ini ka ana8enimadjin, 8in ka minigo8eg Omino Manidoman.

1 Timote 4:12

Ka8in a8iag kida pagidinasi kidji manenimik, misa8adj e ocki pimadizian. Tiegodj, kida 8abadaag ka teb8etamo8adj adi maia ke inadizi8apan, tabickotc kin tibina8e ka inadizian. Kagita8en, mino inadizin, sagiik a8iagog, Kije Manidokag iji apacenimon acitc k8aiak pimadizin.

Ebaro 1:14

Adi dac enabadizi8adj ajenig? Manidog igi, ka anokita8a8adjin Kije Manidon, ka anonagani8i8adj kidji nda 8idjia8adjin ini8e a8iagon ke ag8acimagani8indjin.

Ebaro 9:24

Ka8in mega odji pidigesi Jesos Christ kitcit8a nibaganikag kagi padakisido8adj a8iagog. Motci 8abadai8emagan dac ii nibagan adi ejinag8ag 8ak8ig, taji maiagotc ma8adji eji kitcit8a8endag8ag. Jesos dac 8in, 8edjida ki pidige 8ak8ig, taji nogom e tedj, e 8idji8adjin Kije Manidon kidji 8idokago8ak.

Kagi iji 8abadaagani8idj John 8:2

Midac nigi 8abamag igi nij8atcin ajenig nigan Kije Manidokag ka iji tajigaba8i8adj. Ki minagani8i8ag nij8atcin ka podadjigadenigin nodag8atciganan.