Matio 15:9 - Kije Manido Odikido8in: Ocki Mazinaigan

⁹ Kitci anica dac nidaiamitagog. Kikinoamage8ag mega ini inakonige8inan a8iagon kagi ojitondjin, mi maia tabickotc nin kagi ojita8agin ini inakonige8inan 8a in8eto8adjin.’ ” Ésaïe 29.13

Matio 15:9 Iomraidhean Croise

Matio 15:10

Jesos dac ogi nd8e8eman kakina a8iagon acitc ogi inan: “Ndotaocik, acitc k8ag8e nisidotamok oo8e.

Min8adjimo8ini kagi ojibiag kitcit8a Mak 7:7

Kitci anica dac nidaiamitagog. Kikinoamage8ag mega ini inakonige8inan a8iagon kagi ojitondjin, mi maia tabickotc nin kagi ojita8agin ini inakonige8inan 8a in8eto8adjin,’ Ésaïe 29.13 mi mezinadenig.

1 Konit 15:2

Kije Manido kidag8acimigo8a e teb8etameg ii min8adjimo8in, kicpin enigokodeeieg kana8endameg adi kagi iji 8idamonagok. Kicpin dac ani 8ebinameg kagi 8idamonagok, ceck8at kigi teb8etana8a.

1 Timote 1:4

Kiga 8idama8ag ega kidji ndotamo8adjin adisokanan ega ka teb8emaganigin, acitc ega kidji kitci apitendamo8adj e kackito8adj kidji 8ina8adjin kakina 8eckadj okitci anicinabemi8abanin. Ceck8at mikodjigade8an ini8e kegonan acitc pijicig odji kaganondinani8an. Ka8in o8idjiigosina8a a8iagog kidji nisidotamo8adj adi Kije Manidon eji nda8endamindjin. Eji teb8eta8aiak mega, kikikendananan Kije Manido ka iji nda8endag.

Tite 1:14

ega Coda8inni adisokanan ega ka teb8emaganigin kidji ndotamo8adjin, acitc ega kidji nosoneamo8adj ka inakonigendjin a8iagon kagi ana8etamindjin teb8e8ini.

Ebaro 13:9

Iag8amig ega kidji 8agackibinigo8eg igi8e anodjigotc kegoni ka kikinoamage8adj. Kije Manido kiminigonan okitci ca8endjige8in, kidji sogideeiak. Ka8in 8in e nosoneamakonin aiamie Inakonige8inan ka ikidomagagin 8egonen ke midjigadenig ke odji sogideeiak. Ka8in 8ikad ododji 8idjiigosina8a igi8e ka nosoneamo8adj iidi e inakonigani8anig.

Jak odojibiigan 2:20

Kikikimadizinan! Kiga 8abadain ceck8at e teb8etaman kicpin ega mino ijitcigean.

Kagi iji 8abadaagani8idj John 22:18

Kakina kina8a ka ndotamegon Kije Manido odikido8inan ooma mazinaiganikag, nin John kidininom oo8e: Iag8a! Kicpin a8iag tago atodj kegoni ooma mazinaiganikag, Kije Manidon oga minigon ini kodagito8inan ka mikodjigadenigin ooma mazinaiganikag.