Matio 15:28 - Kije Manido Odikido8in: Ocki Mazinaigan

²⁸ Jesos dac ogi inan: “Maiagotc kikitci sogi teb8etan. Kiga minigo sa ka iji pagosendaman.” Maia dac ii apitc ki kige8an odanisan.

Matio 15:28 Iomraidhean Croise

Matio 14:31

Teci8ag dac Jesos ki ijindjita. Ogi na8adjibinan dac acitc ogi inan: “Kitci agacinoja eji teb8etaman! 8egonen 8edji ega ki apacenimo8an ninikag?”

Matio 15:27

Ogi igon dac: “Tebendjigean. Teb8e ii, anic dac 8a8adj animocag omamojagadana8a ka pabi8isenig midjimini ka odji pinagodenig okackami8an o8isini8agani8akag.”

Matio 8:10

Apitc Jesos ka nodag ii, ogi kitci mamakazita8an, acitc ogi inan a8iagon kagi nosoneogodjin: “Teb8e ki8idamonom, ka8in 8ikad nidodji mika8asi pejig a8iag Israel a8iagokag epitci sogi teb8etag tabickotc aa8e nabe.

Matio 8:13

Midac Jesos ogi inan ini cimaganici ogiman: “Mi iji ki8en. Kigi teb8etan e kackitodj Kije Manido kidji kigeadjin kidanodaganan, acitc mi ke toda8adjin.” Mi maiagotc ii apitc ki kigeagani8i8an odanodaganan.

Matio 9:22

Jesos ki k8ekigaba8i, acitc ogi odji 8abaman ini ik8e8an. Ogi inan dac: “Nidanis! Ka8in ana8endjigeken! Kiteb8etamo8in kigi kigeigon.” Teci8ag dac ki kige aa ik8e.

Min8adjimo8ini kagi ojibiag kitcit8a Mak 5:34

Jesos ogi inan ini ik8e8an: “Nidanis! Kiteb8etamo8in kigi kigeigon. Ki8en acitc min8endan, aja kigi kige ka inapineaban.”

Min8adjimo8ini kagi ojibiag kitcit8a Lok 17:5

Ka Tibendjigedj Odanodaganan ogi igon: “Micaton niteb8etamo8ininan.”

Min8adjimo8ini kagi ojibiag kitcit8a Lok 7:50

Jesos dac ogi inan ini ik8e8an: “Kiteb8etamo8in kigi ag8acimigon. Ki8en dac acitc min8endan.”

Min8adjimo8ini kagi ojibiag kitcit8a Lok 7:9

Apitc Jesos ka nodag ii, ogi kitci mamakazita8an. Ki k8ekigaba8i acitc ogi inan a8iagon kagi nosoneogodjin: “Teb8e ki8idamonom, ka8in 8ikad nidodji mika8asi pejig a8iag epitci sogi teb8etag tabickotc aa8e nabe. 8a8adj Israel a8iagokag ka8in nidodji mika8asi a8iag epitci teb8etag.”

2 Tesalonika 1:3

Nidjiki8enanag! Apanigotc nidinendagozimin mig8etc kidji inagidj Kije Manido kina8a odji. Kitci k8aiak ii, osa mega kiteb8etamo8ini8a eckam ani mica, acitc eckam kidani kitci sagiidim pepejig e tacieg.