Matio 14:19 - Kije Manido Odikido8in: Ocki Mazinaigan

¹⁹ Mina8adj Jesos ogi inan kakina a8iagon kidji abindjin motakamig. Ogi odapinan dac ini ka nananindjin obiziganesan acitc ka nijindjin kigozan. Ki icpanabi 8ak8ig acitc mig8etc ogi inan Kije Manidon. Ogi papak8ebinan obiziganesan, acitc ogi minan okikinoamaganan. 8ina8a dac ogi madinama8a8an kakina a8iagon.

Matio 14:19 Iomraidhean Croise

Matio 14:18

Jesos dac ki ikido: “Ack8e pijiokog igi obiziganesag acitc kigozag.”

Min8adjimo8ini kagi ojibiag kitcit8a Mak 6:39

Jesos ogi 8idama8an okikinoamaganan kidji abinija8andjin kakina a8iagon, pepagi kidji ok8abindjin motakamig.

Min8adjimo8ini kagi ojibiag kitcit8a Mak 6:41

Jesos dac ogi odapinan ini ka nananindjin obiziganesan acitc ka nijindjin kigozan. Ki icpanabi 8ak8ig acitc mig8etc ogi inan Kije Manidon. Ogi papak8ebinan obiziganesan, acitc ogi minan okikinoamaganan kidji gi madinama8andjin kakina a8iagon. Ogi minan acitc ka nijindjin kigozan kidji madinama8andjin.

Min8adjimo8ini kagi ojibiag kitcit8a Mak 7:34

Ki icpanabi dac 8ak8ig, acitc ki azanamo e kidimagenimadjin ini naben, acitc ogi inan: “Eppata,” mi ekidomagag: “Oziten!”

Min8adjimo8ini kagi ojibiag kitcit8a Lok 22:17

Jesos dac ogi odapinan minik8anagani, mig8etc ogi inan Kije Manidon, midac ka ikidodj: “Odapinamok oo8e minik8anagan, kakina dac pepejig e tacieg k8abadamok.

Min8adjimo8ini kagi ojibiag kitcit8a Lok 22:19

Mina8adj dac Jesos ogi odapinan pak8ejiganan, mig8etc ogi inan Kije Manidon, acitc ogi papak8ebinan. Ogi minan dac okikinoamaganan, e inadjin: “Mi oo8e nia8 ka pagidinamago8eg. Mi oo kabe todamok kidji mik8enimijieg.”

Min8adjimo8ini kagi ojibiag kitcit8a Lok 24:30

Apitc ka onabidj 8isini8aganikag kidji 8idji 8isinimadjin, ogi odapinan pak8ejiganan, mig8etc ogi inan Kije Manidon, midac ka iji papak8ebinadjin ini pak8ejiganan acitc ka iji minadjin.

Min8adjimo8ini kagi ojibiag kitcit8a Lok 9:14

8aiej nanan kitci midasomidana (5000) taci8agoban nabeg. Ogi anonan dac okikinoamaganan: “Abinijaokog kakina a8iagog, kidji nenanomidana8e8adj e ok8abi8adj.”

Min8adjimo8ini kagi ojibiag kitcit8a Lok 9:16

Jesos dac ogi odapinan ini ka nananindjin obiziganesan acitc ka nijindjin kigozan. Ki icpanabi 8ak8ig, acitc mig8etc ogi inan Kije Manidon. Ogi papak8ebinan acitc ogi minan okikinoamaganan kidji gi madinama8andjin kakina a8iagon.

John 11:41

Midac ki manibinagani8i kitci asini. Jesos dac ki icpanabi acitc ki ikido: “Nidadam! Mig8etc kidinin egi ndotaojian.

Jesos Odanodaganan Odijitcige8ini8an 27:35

Apitc ka ick8a ikidodj ii, Pon ogi odapinan pak8ejiganan, mig8etc ogi inan Kije Manidon, kakina iima ka tendjin e 8abamigodjin. Ogi pak8ebinan pagi, midac ka iji cakamodj.

Ojibiama8agani8i8ag ka teb8etamo8adj Rom odenakag 14:6

Aa a8iag ka inendag a8acamej pejigokajik e apitendag8ag apitc8in kodagian, o8i odji manadjian ka Tibendjigendjin. Aa a8iag kakina midjimini ka midjig, o8i odji manadjian ka Tibendjigendjin, mig8etc mega odinan Kije Manidon apitc 8isinidj. Aa dac a8iag nandam midjimini ega ka midjig, mi ke8in o8i odji manadjian ka Tibendjigendjin, acitc ke8in mig8etc odinan Kije Manidon.

1 Konit 10:16

Apitc ako ma8adjiidiak kidji aiamieiak, kidodapinanan minik8anagan, mig8etc kidinanan Kije Manido, acitc kiminik8emin ii cominabo. Midac kina8it acitc Jesos Christ kimama8isemin omisk8im odji. Apitc e papak8ebinaiak acitc e am8aiak pak8ejigan, kina8it acitc Jesos Christ kimama8isemin o8ia8 odji.

1 Konit 10:31

Mi oo nin e ikido8an. 8egonenigotc midjieg, 8egonenigotc minik8eieg, acitc adigotc ijitcigeieg, kidji odji icpenimagani8idj Kije Manido ijitcigeok.

1 Konit 11:24

mig8etc ogi inan Kije Manidon, ogi papak8ebinan, acitc ki ikido: “Mi oo8e nia8, kina8a odji. Mi oo kabe todamok kidji mik8enimijieg.”

Kolosi 3:17

Kakinagotc dac adi e todameg acitc adi ekido8eg, todamok ii kidji gi odji icpenimagani8idj ka Tibeniminak Jesos, mig8etc e ineg Kije Manido Kidadaminan, kagi pi todamindjin Jesosan odji.