Matio 13:32 - Kije Manido Odikido8in: Ocki Mazinaigan

³² Mi aa ma8adji ka kitci agasiminagizidj kakina ka taci8adj anominag. Apitc dac ka madjigidj, mi aa ma8adji ka mitcakozidj. Ani kin8akozi tabickotc mitig, acitc pinecijan pi nda 8asasonike8an o8adik8anikag.”

Matio 13:32 Iomraidhean Croise

Min8adjimo8ini kagi ojibiag kitcit8a Mak 4:30

Jesos kiabadj ki ikidogoban: “Adi dac kegi ikido8aban kidji 8abadai8eian adi ejinag8anig Kije Manido Odogima8i8in? 8egoneni adisokan kegi abadjito8aban kidji mikodaman Odogima8i8in?

Min8adjimo8ini kagi ojibiag kitcit8a Mak 4:32

Apitc dac kitigani8ag aa anomin, kitci madjigi acitc na8adj ani mitcakozi apitc8in kodagian kitiganan. Kitci madjiginon 8adik8anan acitc dac pinecijag pi nda 8asasonike8ag iima, ega kidji nigodi8adj,” ki ikido.

Min8adjimo8ini kagi ojibiag kitcit8a Lok 13:18

Jesos dac mina8adj ki ikido: “Kiga 8idamonom adi e iji8ebanig Kije Manido e ogima8idj, acitc adi ejinag8anig Odogima8i8in.

Jesos Odanodaganan Odijitcige8ini8an 1:15

Ii dac apitc, nigodin igi8e ka teb8etamo8adj ki ma8adjiidi8ag. 8aiej dac midasomidana acitc nijidana (120) tacibanig. Pien ki pazig8i nena8idj acitc ogi 8idama8an:

Jesos Odanodaganan Odijitcige8ini8an 21:20

Ka ick8a ndota8a8adjin, ogi icpenima8an Kije Manidon. Midac ka iji ina8adjin Ponan: “Nidjiki8enan! Ki8abamag adi epitci kitci mane8adj Coda8innig egi ani teb8etamo8adj. Okitci apitendana8an Moisan odinakonige8ini.

Kagi iji 8abadaagani8idj John 11:15

Kegapitc pejig kodag ajeni ki podadjige. Mi aja nij8atcin inigik ajenig egi podadamo8adjin onodag8atcigani8an. Nigi noda8ag a8iagog 8ak8ig e mad8e ikido8adj oo8eni: “Ka Tibeniminak acitc Ini8e kagi pidjinija8adjin aja ki madjita8ag kidji ogima8i8adj akikag. Apanigotc kada ogima8i8ag.”