Matio 13:14 - Kije Manido Odikido8in: Ocki Mazinaigan

¹⁴ Midac oodi eji8ebizi8adj 8eckadj kagi iji tibadjimogobanen niganadjimo8inni Isaia: ‘Kije Manido ikido: Kiga kitci paietetana8a, ka8in dac kiga nisidotasina8a. 8e8enda kiga kijigabadana8a, ka8in dac kiga nisida8inasina8a.

Matio 13:14 Iomraidhean Croise

Min8adjimo8ini kagi ojibiag kitcit8a Mak 4:12

kidji gi iji8ebizi8adj ii ka iji mazinadenig Kije Manidon Omazinaiganikag: ‘8e8enda oga kijigabadana8a, ka8in dac oga nisida8inasina8a. Oga paietetana8a, ka8in dac oga nisidotasina8a. Kicpin dac teb8e nisidotamo8apan ii, kada an8endizobanig acitc Kije Manidon oda kasiamago8an ka iji patadi8adj.’ ” Ésaïe 6.9-10

Min8adjimo8ini kagi ojibiag kitcit8a Lok 8:10

Jesos dac ogi nak8e8ajian: “Kina8a kigi odisigona8a kidji kikendameg Kije Manido Odogima8i8in, ega 8ikad a8iag kagi kikendag. Kodagiag dac a8iagog adisokanan nidabadjitonan kidji kikinoama8ag8a, 8e8enda kidji inabi8adj ega mamakadj kidji 8abadamo8adj, acitc 8e8enda kidji nodamo8adj ega mamakadj teb8e kidji nisidotamo8adj.”

Ojibiama8agani8i8ag ka teb8etamo8adj Rom odenakag 10:16

Ka8in dac kakina Coda8innig ododji odapinasina8a min8adjimo8ini. Mi gotc maia niganadjimo8inni Isaia kagi ikidodj: “Tebendjigean! A8enen kagi teb8etag nitibadjimo8inanan?” Ésaïe 53.1

2 Konit 3:14

Ka8in okackitosina8aban Israel a8iagog kidji nisidotamo8adj ii apitc. 8a8adj kiabadj nogom, mi maia tabickotc kegoni ka nigeig8eabinigo8adj ejise8adj, onagabinigona8a dac kidji gi nisidotamo8apan, midac ii 8edji ega nisidotamo8adjin apitc a8ian nabo8adamindjin 8eckadj Inakonige8inan. Ka8in odji manibidjigadesini ii kegoni ka nagabinigo8adj kidji nisidotamo8adj, Jesos Christ mega eta ogagi manibidamago8an.