Matio 12:23 - Kije Manido Odikido8in: Ocki Mazinaigan

²³ Kakina dac a8iagog iima ka te8agobanen ki kitci mamakadendamobanig, acitc ki ikido8ag: “Mi ini ne8ad Kije Manido kagi ikidopan kidji pidjinija8adjin, 8aa Davidikag ke pi odaiagizindjin.”

Matio 12:23 Iomraidhean Croise

Matio 15:22

Pejig ik8e iima tajikegoban ega e Coda8inni8idj, Kenan (Canaan) akini kagi odjinipanin okitci anicinabeman. Ogi pi nda 8abaman Jesosan acitc ogi pabibagiman: “Ka Tibendjigean! Kin ogima David odanike ojisan! Kidimagenimicin! Nidanis okigickagon madji manidon, kitci kodagito dac!”

Matio 21:9

A8iagog ka pimose8apan nigan Jesosikag, acitc ke8ina8a igi8e ka nosone8a8agobanen, kitci pabibagi8agoban: “Kitcit8a8endagozi ogima David odanike ojisan! Ca8endagozi aa8e ka Tibendjigendjin kagi pidjinijaogodjin! Kitcit8a8endagozi Kije Manido icpimig ka tedj!”

Matio 7:28

Apitc Jesos ka ick8a kikinoamagedj, kakina a8iagon iima ka tendjin ki kitci mamakadendamon adi ka iji kikinoamagedj.

Matio 9:27

Jesos dac ki odji madja iima migi8amikag. Meg8adj dac e ani pimosedj, nijin a8iagon ega ka 8abindjin ogi madji nosoneogon, e pabibagimigodjin: “Kin ogima David odanike ojisan! Kidimagenimicinam!”

Matio 9:33

Apitc dac Jesos ka ick8a sagidjinija8adjin madji manidon, aa nabe okackitonagoban aja kidji anim8edj. Kakina dac a8iagog iima ka te8agobanen ki kitci mamakadendamog, acitc ki ikido8ag: “Ka8in 8ikad ooma Israel akikag kidodji 8abadasinanan kegon e apitci mamakadendag8ag!”

John 4:29

“Pijaok! Pi nda 8abamik aa nabe kagi 8idamaojidj kakina kegoni kagi pi aidian! Kadagi ijiseban na mi ini teb8e Kije Manido kagi ikidodj kidji pidjinija8adjin?”