Matio 12:17 - Kije Manido Odikido8in: Ocki Mazinaigan

¹⁷ Midac iidi ka ani iji8ebanig adi kagi ikidogobanen niganadjimo8inni Isaia:

Matio 12:17 Iomraidhean Croise

Matio 12:16

Pekic dac ogi kitci sogineman e 8idama8adjin ega kidji tibadjimondjin a8enen 8in.

Matio 12:18

“Mi ka ikidodj Kije Manido: 8adan 8aa nidanodagan, kagi onabamag. Nikitci sagia acitc nikitci min8endamiig. Nimino Manidoman niga mina kidji kigickagodjin, acitc oga paba tibadjimota8an kakina a8iagon kidji pi nda ag8acimimagin.

Matio 13:35

Otodanagoban iidi kidji iji8ebanig kagi ikidonigobanen niganadjimo8innin: “Adisokanan niga abadjita8anan e aiamiag8a, niga 8idama8ag kegonan kagi kadjigadenigin ka ako kijendjigadeg aki.” Psaume 78.2

Matio 21:4

Midac ii kidji gi iji8ebag 8eckadj kagi ikidodj niganadjimo8inni:

Matio 8:17

Midac iidi ka iji8ebag ii kagi mazinadenig niganadjimo8inni Isaia omazinaiganikag: “Ogi manibidonan kikodagito8inanan. Kigi kigeigonan adi ka iji akoziakoban.” Ésaïe 53.4

Min8adjimo8ini kagi ojibiag kitcit8a Lok 21:22

Mi oo ke iji pajacte8adjin Kije Manido a8iagon ii apitc. Ojibiigadeni ii Kije Manido Omazinaiganikag, acitc teb8e kada iji8eban ii.

Min8adjimo8ini kagi ojibiag kitcit8a Lok 24:44

Jesos dac ogi inan: “Meg8adj ka 8idji tajikeminagogiban, kigi 8idamonom: ‘Nimikomigo Mois omazinaiganikag, niganadjimo8innig omazinaigani8akag acitc 8eckadj Kitci Aiamie Nigamo8inikag. Panima dac kada iji8eban kakina ka mazinadeg.’ ”

John 10:35

Kikikendananan apanigotc e teb8emaganig Kije Manido Omazinaigan. Ogi inan ini tibakonige8innin ka apitenimagani8indjin tabickotc 8in tibina8e.

John 12:38

Midac ii kidji gi iji8ebanig adi niganadjimo8inni Isaia kagi ikidopan: “Tebendjigean! A8enen ka teb8etag nitibadjimo8inan? A8eneni8an ka Tibendjigedj kagi 8abadaadjin adi epitci macka8izidj?” Ésaïe 53.1

John 19:28

Jesos ogi kikendan aja kakina kegoni egi iji8ebanig. Ki ikido dac: “Nipag8anamonan.” Mi ka ikidodj maiagotc kidji ick8a iji8ebanig ka ojibiigadenig Kije Manidon Omazinaigani.

Jesos Odanodaganan Odijitcige8ini8an 13:27

Igi a8iagog Jerusalem odenag ka tajike8adj acitc odogimami8an ka8in ododji teb8etasina8a Jesosan e pi nda ag8acimigo8ak. Taso aiamie kijigag niganadjimo8innig omazinaigani8an nabo8adjigadeni8an, ka8in dac a8iagog ododji nisidotasina8a ka iji nodamo8adj. Apitc dac Jesos ka ick8aienimagani8idj, ki iji8ebani kagi ikidondjin niganadjimo8innin.