Matio 11:6 - Kije Manido Odikido8in: Ocki Mazinaigan

⁶ Ca8endagozi aa a8iag ega ke ana8enimijidj.”

Matio 11:6 Iomraidhean Croise

Matio 13:21

Ka8in dac macka8izimagasini oteb8etamo8ini8a acitc ka8in kin8ej okana8endasina8a. Apitc dac madjise8adj, kek8an nanekadjiagani8i8adj Kije Manidon omin8adjimo8ini odji, teci8ag o8ebinana8a oteb8etamo8ini8a.

Matio 18:7

Kitci madji iji8eban nogom akikag! Kitci mane kegoni okadjinijaogona8a kidji patadi8adj a8iagog. Ketcinam apanigotc kada tag8anon ini kegonan. Kije Manido dac oga kitci pajacte8an ini8e ke patadiag8enin kodagian a8iagon.”

Matio 24:10

Ii dac apitc, kitci mane ka teb8etamo8adj oga 8ebinana8a oteb8etamo8ini8a. Kada mamijimidi8ag, acitc kada madjenimidi8ag.

Matio 26:31

Jesos dac ogi inan okikinoamaganan: “Nogomigotc ke tibikag, kakina e tacieg kiga naganijim, maia tabickotc ka iji mazinadenig Kije Manido Omazinaiganikag: ‘Mantcenican ka kana8enimadjin niga nisa, midac kakina kada obebaidi8ag mantcenicag,’ Zacharie 13.7 mi e mazinadeg.

Matio 5:29

Kicpin kickijig kikitcinikikag inekena pataigo8an, manibidon, midac 8asag inatig8en. Na8adj kiga minose kidji 8anito8an pejig kickijig apitc8in kidji madjocteigadeg kakina kia8 kitci ickodekag.

Min8adjimo8ini kagi ojibiag kitcit8a Mak 6:3

Kana mi 8aa mitigonabe? Kana 8in aa Mani og8izisan? 8in Jak (Jacques), Coses (Joses), Jod (Jude), acitc Simo o8idjiki8e8an, kana? Ocimejan ka ik8e8indjin kakina tajike8an ooma kina8itinakag, kana?” Onagabinigona8aban dac ii kidji teb8eta8a8adjin Jesosan.

Min8adjimo8ini kagi ojibiag kitcit8a Lok 2:34

Simian dac ogi inagoban Jesosan acitc onigiigoni: “Kije Manido kiga ca8enimigo8a.” Ogi inan dac Manin: “Teb8e Kije Manido ogi onabaman ono8e abinodjijan mane Israel a8iagog kidji odji ag8acimagani8i8adj acitc mane kidji odji 8anicino8adj. Kada 8abadai8e ka iji nda8endamindjin Kije Manidon, mane dac a8iagon oga madji mikomigon.

Min8adjimo8ini kagi ojibiag kitcit8a Lok 7:23

Ca8endagozi aa a8iag ega ke ana8enimijidj.”

John 16:1

“Kigi 8idamonom adi ke iji8ebag ega kidji poni teb8etameg apitc iji8ebag.

John 6:66

Midac ii apitc mane Jesos okikinoamaganan ogi naganigon, acitc ka8in mina8adj ododji nosoneogosin.

1 Konit 2:14

Aa8e ega ka kigickagodjin Mino Manidon, ka8in ogagi aiasinan teb8e8inan Mino Manidokag ka odjimaganigin. Ka8in mega okackitosin kidji nisidotagin. “Ki8ack8etag8anon ini” inendam. Mi eta igi8e ka kigickago8adjin Mino Manidon ke kackito8adj kidji nisidotamo8adjin.

Kalecia 5:11

Nidjiki8eg! Nandam a8iagog nidinactaonigog e kagik8e8ag e ikido8an panima a8iag ki pak8ej8agani8idj kidji gi k8aiak8abamigodjin Kije Manidon. Kicpin dac teb8emagagiban ii, ka8in aja nida paba kagik8esi e ikido8an egi nibodj Jesos tcibaiatigokag kidji gi odji k8aiak8abamigo8ak Kije Manido. Ka8in dac nida nickimasi8ag Coda8innig, ka8in dac aja nida nanekadjiigosig.

1 Pien 2:8

Mazinadeni oo8e acitc: “Mi aa asini ka pizogecimadjin a8iagon, acitc ka toda8adjin kidji pagicinindjin.” Ésaïe 8.14 Mi mezinadenig. Pizogecinog, ka8in mega o8i teb8etasina8a Kije Manidon odikido8ini. Aja 8eckadj Kije Manido ogi onendanagoban kidji iji8ebizindjin ini8e ega ka teb8etagodjin.