Matio 11:25 - Kije Manido Odikido8in: Ocki Mazinaigan

²⁵ Ii dac apitc Jesos ki ikido: “Nidadam, kin ka Tibendamanin 8ak8ig acitc aki, mig8etc kidinin, osa mega kigi kikendamonag abinodjijag kegonan ka kadama8ad8a a8iagog ka kagita8endamo8adj acitc ka omidonendjigani8adj.

Matio 11:25 Iomraidhean Croise

Matio 16:17

Jesos dac ogi inan: “Kica8endagozinan, Simo, John og8izisan. Ka8in mega a8iagog kidodji kikinoamagosig oo8e teb8e8ini, tiegodj Nidadam 8ak8ig ka tedj kagi minik kidji iji kikendam8adj ii.

Matio 21:16

Ogi ina8an dac Jesosan: “Kinoda8ag na adi ekido8adj?” Jesos dac ogi nak8e8ajian: “Ee, ninoda8ag. Mazinadeni Kije Manido Omazinaiganikag: ‘8a8adj abinodjijag acitc tcidjicag kigi kikinoama8ag kidji icpenimik8a.’ Psaume 8.3 Kana dac 8ikad kidodji nabo8adasina8a ii?”

Min8adjimo8ini kagi ojibiag kitcit8a Lok 22:42

e ikidodj: “Nidadam! Kicpin nda8endaman, 8ack8ebidon nidanimizi8in! Pekic dac ka8in nin ka iji nda8endaman todaken, tiegodj kin ka iji nda8endaman todan.”

Min8adjimo8ini kagi ojibiag kitcit8a Lok 23:34

Jesos dac ki ikido: “Nidadam! Kasiamaok opatado8ini8a! Ka8in mega okikendasina8a adi enakamigizi8adj.” Ki madinamadi8ag Jesosan opitcikonaani, e k8ag8e mikose8adj.

John 11:41

Midac ki manibinagani8i kitci asini. Jesos dac ki icpanabi acitc ki ikido: “Nidadam! Mig8etc kidinin egi ndotaojian.

John 12:27

Jesos kiabadj ki ikido: “Nogom dac nikitci kackendan. Adi dac ke ikido8aban? Nida ikidonan na: ‘Nidadam! Pi nda 8idjiicin ega iidi kidji iji8ebizian nogom’? Ka8in! Ka8in iidi niga ikidosi. Mi mega 8edji ki pijaian ooma, kidji cabockaman oo8e ke iji8ebizian.

John 12:28

Nidadam! 8abadai8en epitci icpendag8ag ki8izon!” ki ikido Jesos. Midac ki noda8agani8i a8iag 8ak8ig e odji anim8edj, e ikidodj: “Aja nigi 8abadai8e adi epitci kitci icpendag8ag, acitc kiabadj mina8adj niga iji 8abadai8e.”

Jesos Odanodaganan Odijitcige8ini8an 17:24

Mi 8aa Kije Manido kagi kijendag akini acitc kakina kegoni ooma ka tag8anig. Mi 8aa ka Tibendagin 8ak8ig acitc akini. Ka8in tajikesi aiamiemigi8amikag a8iagon kagi ojitondjin.

1 Konit 2:10

Kina8it dac ka teb8etamak, Kije Manido kigi kikendamonigonan ii, Omino Manidoman e abadjiadjin. Mino Manido mega kakina kegoni ocabo kikendan, 8a8adj okikendanan ma8adji aidadj ka tag8anigin Kije Manidon odinendamo8inan.

2 Konit 3:14

Ka8in okackitosina8aban Israel a8iagog kidji nisidotamo8adj ii apitc. 8a8adj kiabadj nogom, mi maia tabickotc kegoni ka nigeig8eabinigo8adj ejise8adj, onagabinigona8a dac kidji gi nisidotamo8apan, midac ii 8edji ega nisidotamo8adjin apitc a8ian nabo8adamindjin 8eckadj Inakonige8inan. Ka8in odji manibidjigadesini ii kegoni ka nagabinigo8adj kidji nisidotamo8adj, Jesos Christ mega eta ogagi manibidamago8an.