Matio 10:25 - Kije Manido Odikido8in: Ocki Mazinaigan

²⁵ Oda kitci inendan kikinoamagan toda8agani8idj tabickotc ka todaomagani8indjin okikinoamage8inniman, acitc anokitage8inni oda kitci inendan toda8agani8idj tabickotc ka todaomagani8indjin okackaman. Tabickotc ka niganendagozidj pejigodenakag nidapitendagozinan. Nigi manazomigo e ijinikanigo8an: ‘Beelzebul, ka niganizidj madji manidokag.’ Na8adj dac a8acamej kiga manazomigo8a, kidji madji ijinikanigo8eg, kina8a ninikag ka iji tibendagozieg.”

Matio 10:25 Iomraidhean Croise

Matio 12:24

Apitc dac Coda8innig ka nagadjito8agobanen inakonige8inan ka nodage8agobanen ii, ki ikido8ag: “Mi aa madji manido ogima, ‘Beelzebul’ ka ijinikazodj, kagi minadjin Jesosan macka8izi8ini kidji gi sagidjinija8andjin madji manidon a8iagokag!”

Matio 12:27

Kitci madji manido Beelzebul niminig omacka8izi8in kidji gi sagidjinija8ag8a madji manidog kidikidom. Pekic dac nandam igi8e ka nosoneogo8eg, ke8ina8a okackitona8a kidji sagidjinija8a8adjin madji manidon. Adi dac 8edinamo8adj 8ina8a omacka8izi8ini8a? Ka nosoneogo8eg 8abadai8e8ag ega e teb8eieg.

Matio 9:34

Anic dac Coda8innig ka nagadjito8agobanen inakonige8inan ki ikido8ag: “Aa8e ka kackakanadjin madji manidon, mi aa8e ka minadjin Jesosan macka8izi8ini kidji gi sagidjinija8andjin madji manidon.”

Min8adjimo8ini kagi ojibiag kitcit8a Mak 10:39

Ogi nak8e8ajia8an dac: “Ee, nikackitonanan.” Jesos dac ogi inan: “Teb8e kiga kodagitom adi ke iji kodagito8an, acitc kiga sigaadazom adi ke iji sigaadazo8an.

Min8adjimo8ini kagi ojibiag kitcit8a Mak 3:22

Nandam Coda8inni kikinoamage8innig, Jerusalem ka odji8adj, ikido8agoban: “Kitci madji manido ogima, ‘Beelzebul’ ka ijinikazodj okigickagon.” Acitc kiabadj ki ikido8agoban: “Aa8e ka kackakanadjin madji manidon, mi aa8e ka minadjin Jesosan macka8izi8ini kidji gi sagidjinija8andjin madji manidon.”

Min8adjimo8ini kagi ojibiag kitcit8a Lok 11:15

Nandam dac a8iagog ikido8agoban: “Aa8e ka kackakanadjin madji manidon, aa8e ‘Beelzebul’ ka ijinikazodj, mi aa8e ka minadjin Jesosan macka8izi8ini kidji gi sagidjinija8andjin madji manidon.”

Min8adjimo8ini kagi ojibiag kitcit8a Lok 11:18

Midac pejig8an, kicpin kitci madji manido 8inigotc tibina8e migandizodj, adi ke odji pimadjiomaganig odogima8i8in?

Min8adjimo8ini kagi ojibiag kitcit8a Lok 11:19

Nandam igi8e ka nosoneogo8eg, ke8ina8a okackitona8a kidji sagidjinija8a8adjin madji manidon. Kicpin Beelzebul minijidj macka8izi8ini kidji sagidjinija8ag8a madji manidog, adi dac 8edinamo8adj 8ina8a omacka8izi8ini8a? Ka nosoneogo8eg 8abadai8e8ag ega e teb8eieg.

John 10:20

Mane e taci8adj ikidobanig: “Okigickagodog8enan madji manidon. Ki8ack8edok! Adi 8edji ndota8eg?”

John 7:20

Ini a8iagon ogi nak8e8ajiigon: “Ketcinadj kikigickagodok madji manido. A8enen nenada8i nisik?”

John 8:48

Igi Coda8innig ogi ina8an Jesosan: “Maiagotc niteb8enanagoban apitc kagi ikido8agiban Samani (Samarie) akikag 8edjian acitc madji manido e kigickaok!”

John 8:52

Coda8innin dac ogi igon: “Nogom dac niketcinamendananan e kigickaok madji manido! Abanaam (Abraham) mega ki nibo, niganadjimo8innig acitc ki nibo8ag. Pekic dac kin kidikidonan: ‘Aa8e ka ndotaojidj adi ekido8ag, ka8in 8ikad kada nibosi.’