Matio 10:14 - Kije Manido Odikido8in: Ocki Mazinaigan

¹⁴ Kicpin dac ega tedj a8iag iima migi8amikag kek8an odenakag e nda8enimigo8eg acitc e 8i ndotago8eg, mi iji madjaok acitc papa8izidecimonok e minigonaci8akizineieg.

Matio 10:14 Iomraidhean Croise

Matio 10:13

Kicpin igi8e ka tajike8adj iima migi8amikag 8i kana8enimigo8eg, teb8e oga odisigona8a pekadendamo8ini. Kicpin dac ega nda8enimigo8eg, kiga pagosenima8a Kije Manido ega kidji minadjin pekadendamo8ini.

Matio 18:5

Acitc aa8e nin odji ke mino toda8ag8enin pejig abinodjijan tabickotc ono8e, nimino todag kenin.”

Min8adjimo8ini kagi ojibiag kitcit8a Mak 6:11

Kicpin dac a8iagog pejig odenakag ka te8adj ega iji nda8enimigo8eg kek8an ega 8i ndotago8eg, mi iji madjaok acitc papa8izidecimonok e minigonaci8akizineieg. Midac kidji kikendamo8adj ega e min8endamia8adjin Kije Manidon,” ki ikido.

Min8adjimo8ini kagi ojibiag kitcit8a Mak 9:37

“Aa8e ka mino toda8adjin pejigigotc abinodjijan nin odji, kenin nimino todag. Acitc aa8e mino todaojidj, ka8in nin eta nimino todagosi, omino toda8an ke8in ini8e kagi pidjinijaojindjin.”

Min8adjimo8ini kagi ojibiag kitcit8a Lok 9:48

Ogi inan dac okikinoamaganan: “Aa8e ke mino toda8ag8enin ono8e abinodjijan nin odji, niga mino todag kenin. Acitc aa8e ke mino todaojidj, oga mino toda8an ke8in ini8e kagi pidjinijaojindjin. Aa8e ma8adji ke kitci tabasenimidizodj e tacieg, ma8adji kada kitci apitendagozi.”

Min8adjimo8ini kagi ojibiag kitcit8a Lok 9:5

Atajigotc a8iagog pejig odenakag ka te8adj ega ke iji nda8enimigo8eg, nagadamok ododenami8a acitc papa8izidecimonok e minigonaci8akizineieg. Midac kidji kikendamo8adj ega e min8endamia8adjin Kije Manidon,” ki ikido Jesos.

John 13:20

Teb8e ki8idamonom, aa8e ka mino toda8adjin ini8e ke ijinijaomagin, kenin nimino todag. Acitc aa8e ka mino todaojidj, omino toda8an ke8in ini8e kagi pidjinijaojindjin,” ki ikido Jesos.

Jesos Odanodaganan Odijitcige8ini8an 13:51

Pon dac acitc Banabas ogi papa8isidona8an omakizini8an kidji odji kikendjigadenig ega e 8i an8endizonani8anig iima odenag. Midac ka iji ija8adj Ikoniom (Iconium) odenag.

Jesos Odanodaganan Odijitcige8ini8an 18:6

Ogi ana8enimigobanin dac acitc ogi mamanazomigobanin. Midac nigodin Pon e tegobanen Coda8inni aiamiemigi8amikag, ka iji papa8egibant8adjin odaiman kidji pa8isenigin ka minigonaci8anigin. Midac Pon ogi inan: “Kicpin ega 8i teb8eta8eg Jesos, kina8a tibina8e ii kidido8ini8a. Kigi k8ag8e 8idokaonom. Nogom dac aja niga nda 8abamag ega ka Coda8inni8i8adj kidji tibadjimota8ag8a Kije Manidon omin8adjimo8ini.”

1 Tesalonika 4:8

Aa8e dac ka ana8endag ii kikinoamage8ini, ka8in 8in odana8enimasi8an a8ian, Kije Manidon ini ka ana8enimadjin, 8in ka minigo8eg Omino Manidoman.