Matio 1:1 - Kije Manido Odikido8in: Ocki Mazinaigan

¹ Niga mikoma Jesos Christ. Ogima Davidikag odaiagizigoban aa Jesos, acitc dac ogima David 8in Abanaamikag (Abraham) odaiagizigoban. Midac oo 8edaiagizipan Jesos:

Matio 1:1 Iomraidhean Croise

Matio 1:18

8adan adi ka ijiseg apitc Jesos Christ ka pi nta8igidj. Odjodjoman Manin aja ki iji pagidinimagani8inigoban Josepikag kidji iji niba8indjin. Ab8amaci dac madji 8idji tajikemidi8adj, abinodjijan ogi kigicka8an Mani, kagi minigodjin Mino Manidon.

Matio 1:2

Abanaam ini og8izisibanin Aisikan (Isaac). Aisik ini og8izisibanin Tcekapan (Jacob). Tcekap ini og8izisibanin Codan (Juda) acitc Codan ka iji 8idjiki8endjin.

Matio 15:22

Pejig ik8e iima tajikegoban ega e Coda8inni8idj, Kenan (Canaan) akini kagi odjinipanin okitci anicinabeman. Ogi pi nda 8abaman Jesosan acitc ogi pabibagiman: “Ka Tibendjigean! Kin ogima David odanike ojisan! Kidimagenimicin! Nidanis okigickagon madji manidon, kitci kodagito dac!”

Matio 3:16

Teci8ag ka ick8a sigaadazodj Jesos, ki ag8azi. Ii dac maia apitc ki cese 8ak8ig, acitc ogi 8abaman Kije Manidon Omino Manidomini e pi najisendjin 8agidj 8inikag, mi maia omimi ka 8abizidj ejinagozindjin.

Matio 9:27

Jesos dac ki odji madja iima migi8amikag. Meg8adj dac e ani pimosedj, nijin a8iagon ega ka 8abindjin ogi madji nosoneogon, e pabibagimigodjin: “Kin ogima David odanike ojisan! Kidimagenimicinam!”

Min8adjimo8ini kagi ojibiag kitcit8a Lok 1:33

Kagige kada ogima8i Israel a8iagokag. Ka8in dac 8ikad kada poni ogima8isi,” ki ikido ajeni.

John 7:42

Mazinadeni mega Kije Manido Omazinaiganikag Davidikag kidji odaiagizidj aa8e Kije Manidon kagi ikidonipanin kidji pidjinijaogodjin, acitc Betleem kidji iji nta8igidj, ka iji tajikegobanen David,” ikidobanig.

Jesos Odanodaganan Odijitcige8ini8an 2:30

David ogi nigani 8abadan adi ke iji8ebanig, midac ogi mikoman kidji abidjibandjin ini8e Kije Manidon kagi ikidonipanin kidji pidjinija8andjin apitc ka ikidodj: ‘Ka8in odji pagidji8ebinagani8isi ka nibondjin ka iji tendjin. Ka8in odji pagidinigadesini kidji taji nici8anadanig o8ia8 iima nibo8inikag.’ Psaume 16.10 Aa mega David niganadjimo8inni8iban acitc okikendanaban Kije Manidon 8e8enda egi 8idamagodjin pejig odanike ojisan kidji pi abindjin ke8in kidji ogima8indjin taji ka iji ogima8ipan.”

Ojibiama8agani8i8ag ka teb8etamo8adj Rom odenakag 1:3

Kije Manido Og8izisan mikomagani8i8an iima min8adjimo8inikag, Jesos Christ ka Tibeniminak. Apitc ka pi anicinabe8iidizodj, ogima Davidikag ki pi odaiagizi.

Ojibiama8agani8i8ag ka teb8etamo8adj Rom odenakag 4:13

8eckadj Kije Manido ogi inagoban Abanaaman acitc ini8e Abanaamikag ke odaiagizindjin: “Kiga tibendana8a aki.” Abanaam ogi teb8eta8an Kije Manidon acitc ogi odji k8aiak8abamigon, mi 8edji ki inagani8idj ii, ka8in 8in ii egi nosoneagin Coda8inni Inakonige8inan.

Ojibiama8agani8i8ag ka teb8etamo8adj Rom odenakag 9:5

8eckadj kikitci anicinabeminabanig Abanaam (Abraham) acitc Aisik (Isaac) acitc Tcekap (Jacob) iji odadabigicino8ag. Ke8in Jesos Christ Israelikag ki pi odji apitc ka pi anicinabe8iidizodj. Kije Manido8i aa, kakina kegoni ka tibendag. Midac kabegotc icpenimadan! Amen.

Kalecia 3:16

Mi pejig8an, ka8in adjisesini8an Kije Manido onakomo8inan. Kije Manido ogi inan Abanaaman kidji ca8enimadjin, 8in acitc pejig ini8e 8inikag ke pi odaiagizindjin. Ka8in dac mazinadesinon Kije Manido Omazinaiganikag: “Kiga ca8eniminom kin acitc igi a8iagog kinikag ke pi odaiagizi8adj.” Ka8in mane a8iagon 8inikag ke pi odaiagizindjin mikomagani8isi8an. Tiegodj mazinadeni oo8e: “Kiga ca8eniminom kin acitc aa a8iag kinikag ke pi odaiagizidj.” Genèse 12.7 Pejig eta 8inikag ke pi odaiagizindjin mikomagani8i8an. Jesos Christ dac aa ka mikomagani8idj.

1 Timote 2:5

Kije Manido mega pejigo eta, acitc pejigo a8iag nena8idj e tedj, kidji 8idjiadjin Kije Manidon acitc a8iagon kidji koki mama8 mino 8idji8idindjin, mi 8aa Jesos Christ, ka pi anicinabe8iidizodj.

2 Timote 2:8

Mik8enim Jesos Christ, kagi abidjibadj, Davidikag kagi pi odji odaiagizidj. Mi ii min8adjimo8in ka paba tibadjimo8an.

Kagi iji 8abadaagani8idj John 22:16

“Nin Jesos kagi pidjinija8ag nidajenim, kidji pi nda 8idamago8eg ono8e tibadjimo8inan kina8a ka teb8eta8eg Kije Manido, ka ma8adjiidieg kidji aiamieieg. Nin aa Davidikag ka pi odaiagizidj, nin ka piijiegoban. Nin kijeba 8anagoc ka kitci tcakizodj,” ki ikido Jesos.