Min8adjimo8ini kagi ojibiag kitcit8a Lok 9:12 - Kije Manido Odikido8in: Ocki Mazinaigan

¹² Apitc e ani tibikanig, ka midatcin acitc nijindjin Jesos okikinoamaganan ogi pi nazikagon acitc ogi igon: “Ka8in tag8asinon kegon ooma. Ijinijaok dac igi a8iagog kidji ija8adj kitige8inni8igi8amikag acitc odenajicikag pecodj ooma kidji nda odapinamadizo8adj midjimini acitc kidji mikamo8adj ke iji niba8adj.”

Min8adjimo8ini kagi ojibiag kitcit8a Lok 9:12 Iomraidhean Croise

Matio 14:13

Apitc Jesos ka nodagedj Cabadisan egi nibondjin, 8in nicikena ki pozi tcimani e madjiodj, ega ka iji tani8anig e ijadj. A8iagog dac ki nodage8ag. Ogi nagadana8an dac ododenami8an, acitc ogi nosone8a8an Jesosan tcigibiag e pimajagame8adj.

Matio 15:23

Ka8in dac kegoni ododji iji nak8e8ajiasin Jesos. Okikinoamaganan dac ogi pi nazikagon e pi nda pagosenimigodjin: “8ack8enijao aa ik8e. Ka8in mega kicko8esi e pabibagimigo8ak e pimi nosoneogo8ak.”

Matio 15:32

Kegapitc Jesos ogi nd8e8eman okikinoamaganan acitc ogi inan: “Nikidimagenimag igi8e a8iagog. Aja nisokajik ni8idjiogog acitc aja ka8in kegoni odaiasina8a kidji 8isini8adj. Ka8in ni8i ki8enija8asi8ag ega egi 8isini8adj. Ne8ad mega ozam kada kitci cagozi8ag kidji ki8e8adj.”

Min8adjimo8ini kagi ojibiag kitcit8a Lok 9:11

Kitci mane a8iagog ki nodage8ag adi ejandjin Jesosan, ogi nosone8a8an dac. Jesos dac ogi inan: “Nimin8endan egi pijaieg.” Ki kagik8e, e mikodag Kije Manidon Odogima8i8ini, acitc ogi kigean ka akozindjin.

Min8adjimo8ini kagi ojibiag kitcit8a Lok 9:13

Jesos dac ogi inan: “Kina8a tibina8e mijikog kidji 8isini8adj.” Ogi igon dac: “Motci nanani8ag obiziganesag e aia8agid8a, acitc niji8ag kigozag. Kinada8endan na kidji nda odapinamag midjim kidji gi acamagid8a kakina igi8e a8iagog?”

John 6:1

Kegapitc dac, Jesos ki ijagoban Galilee sagaigani, nanigodin Tipeniat (Tibériade) sagaigan ka ijinikadeg, acitc ki k8ekagamecka.

Pilip 1:19

e kikendaman kakina kegon kidji iji minoseian acitc kidji pagidinigo8an, kitaji aiamietamaojim mega acitc dac Jesos Christ Omino Manidoman ni8idokag.