Min8adjimo8ini kagi ojibiag kitcit8a Lok 7:25 - Kije Manido Odikido8in: Ocki Mazinaigan

²⁵ A8enen dac kagi a8i nda 8abameg? Kigi a8i nda 8abama8a na a8iag e kitci minokonaedj? Ki8idamonom, ka kitci minokonae8adj acitc mane ka kitci min8acinigin kegonan ka aiamo8adjin, kitci ogiman omigi8aminikag iji tajike8ag.

Min8adjimo8ini kagi ojibiag kitcit8a Lok 7:25 Iomraidhean Croise

Matio 11:8

A8enen dac kagi a8i nda 8abameg? Kigi a8i nda 8abama8a na a8iag e kitci minokonaedj? Ka kitci minokonae8adj, kitci ogiman omigi8aminikag iji tajike8ag.

Matio 3:4

Aa8e Cabadis ka nijo pik8aoganendjin a8esizi8aianan ijiogoban, acitc pack8egino kitcipizonan okigicka8abanin opik8anakag. Papakinen inadjigegoban acitc amo sizibak8adoni pig8adakamigokag kagi iji mikag.

Matio 6:29

Kidininom dac, misa8adj kitci ogima Sanamo (Salomon) egi aiagin ka kitci sanaganigin kegojican, ka8in iaga pejig apitci kitci min8acisini okegojiciman ka apitci min8acinigin ini 8abig8anin.

Min8adjimo8ini kagi ojibiag kitcit8a Lok 16:19

Mina8adj dac Jesos ki kikinoamage e ikidodj oo8e: “Nigodin pejig nabe kitci 8anadizigoban, acitc pitcikonaegoban kegojican ma8adji ka sanaganigin. Taso kajik magocegoban.

Min8adjimo8ini kagi ojibiag kitcit8a Lok 7:24

Apitc ka ick8a madjandjin ini8e Cabadis kagi pidjinija8adjin, Jesos ogi mikoman Cabadisan a8iagokag e ikidodj: “Apitc ka ijaieg pig8adakamigokag, a8enen kagi a8i nda 8abameg? Kidinendana8aban na kidji 8abameg a8iag e kitci cagozidj, tabickotc nibic ka kitci mamadji8ebasag e nodinig e ijinagozidj? Ka8in sa iidi!

Min8adjimo8ini kagi ojibiag kitcit8a Lok 7:26

A8enen dac kagi a8i nda 8abameg? Niganadjimo8inni na kagi a8i nda 8abameg? Ee, mi iidi! Ki8idamonom, Cabadis na8adj apitendagozi apitc8in niganadjimo8inni.