Min8adjimo8ini kagi ojibiag kitcit8a Lok 6:26 - Kije Manido Odikido8in: Ocki Mazinaigan

²⁶ “Kiga madji iji8ebizim apitc kakina a8iagog mino mikomigo8eg, pejig8an ako ka todamo8agobanen 8eckadj okitci anicinabemi8abanin igi a8iagog, e mino mikoma8apanin ako niganadjimo8innin ka kagina8ickindjin.”

Min8adjimo8ini kagi ojibiag kitcit8a Lok 6:26 Iomraidhean Croise

Matio 7:15

“Iag8amenimikog niganadjimo8innig ka kagina8icki8adj. Mi tabickotc mantcenicag ejinagozi8adj, pekic mi maia tabickotc maiganag ka kitci kotanigozi8adj ejidee8adj.

Min8adjimo8ini kagi ojibiag kitcit8a Lok 6:25

Kiga madji iji8ebizim, kina8a nogom ka tebickono8eg, kiga ka8askadem mega. Kiga madji iji8ebizim kina8a nogom ka papieg, kiga madjendana8a mega acitc kiga ma8im.”

John 15:19

Kicpin kekina8a ana8enimegoban Kije Manido, igi8e a8iagog kidagi sagiigo8ag, tabickotc 8ina8a ka iji sagiidi8adj kakina pepejig e taci8adj. Kina8a dac, ka8in kidacidagimigosim igi8e ka ana8enima8adjin Kije Manidon. Kigi onabaminom mega ega kidji iji tibendagozieg 8ina8akag. Midac ii 8edji madjenimigo8eg igi8e.”

John 7:7

Kina8a ka8in kimadjenimigosi8ag a8iagog ka ana8enima8adjin Kije Manidon, ka8in mega kegoni tag8asini ke odji madjenimigo8egoban. Nin dac nimadjenimigog, ni8idama8ag mega e madji ijitcige8adj.

Ojibiama8agani8i8ag ka teb8etamo8adj Rom odenakag 16:18

Ka8in odanokita8asi8a8an ka Tibendjigendjin Jesos Christan igi a8iagog. Tiegodj 8ina8a tibina8e adi eji mosa8endamo8adj otodana8a. Kitci minotagozi8ag, acitc omin8adjima8an a8iagon. Midac iidi eji 8agackibina8adjin ini8e ega ka nisida8inago8adjin ega k8aiak e kikinoamage8adj.

Jak odojibiigan 4:4

Ka8in maia kiteb8eta8asi8a8a Kije Manido! Anapitc ke nisidotameg? Kicpin a8iag sagitodjin kegonan ooma 8akidakamig, omadjeniman Kije Manidon. A8iag dac ka onendag kidji mino 8idji8adjin ini8e ega ka sagiandjin Kije Manidon, mi aja ke8in omadjeniman Kije Manidon.