Min8adjimo8ini kagi ojibiag kitcit8a Lok 3:22 - Kije Manido Odikido8in: Ocki Mazinaigan

²² acitc Mino Manidon ki pi najise8an 8agidj 8inikag, mi maia omimi ka 8abizidj ejinagozindjin ini Mino Manidon. Midac a8iag 8ak8ig ki odji anim8e: “Kin Nig8izis ka kitci sagiinan. Kikitci min8endamiijinan.”

Min8adjimo8ini kagi ojibiag kitcit8a Lok 3:22 Iomraidhean Croise

Matio 12:18

“Mi ka ikidodj Kije Manido: 8adan 8aa nidanodagan, kagi onabamag. Nikitci sagia acitc nikitci min8endamiig. Nimino Manidoman niga mina kidji kigickagodjin, acitc oga paba tibadjimota8an kakina a8iagon kidji pi nda ag8acimimagin.

Matio 17:5

Meg8adj e taji anim8edj, 8ak8ini e kitci tcakatenig ogi pi nigockagona8a. Ogi noda8a8an dac a8ian iima 8ak8ikag e odji mad8e anim8endjin e ikidondjin: “Mi aa Nig8izis ka kitci sagiag. Nikitci min8endamiig. Ndotaok dac!”

Matio 27:43

Acitc dac ogi ina8an: “Kije Manidokag ki iji apacenimogoban. 8a8adj ki ikidogoban: ‘Nin Kije Manido Og8izisan.’ Misa dac kiga 8abadananan ke apitci nda8enimag8enin nogom Kije Manido kidji pimadjiadjin!”

Matio 3:13

Kegapitc Jesos ki tag8icin 8edi Jourdain sibikag, Galilee akikag egi pi odosedj. Ogi pi nda 8abaman Cabadisan kidji gi sigaadagodjin.

Matio 3:16

Teci8ag ka ick8a sigaadazodj Jesos, ki ag8azi. Ii dac maia apitc ki cese 8ak8ig, acitc ogi 8abaman Kije Manidon Omino Manidomini e pi najisendjin 8agidj 8inikag, mi maia omimi ka 8abizidj ejinagozindjin.

Matio 3:17

Midac a8iag 8ak8ig ki odji mad8e anim8e: “Mi aa Nig8izis ka kitci sagiag. Nikitci min8endamiig aa.”

Min8adjimo8ini kagi ojibiag kitcit8a Mak 1:11

Midac ogi noda8an a8ian 8ak8ig e odji mad8e anim8endjin: “Kin Nig8izis ka kitci sagiinan. Kikitci min8endamiijinan.”

Min8adjimo8ini kagi ojibiag kitcit8a Mak 1:9

Ii apitc, Jesos Nazaret odenajicikag ki odosegoban, Galilee akikag, acitc Cabadisan ogi sigaadagon Jourdain sibikag.

Min8adjimo8ini kagi ojibiag kitcit8a Mak 9:7

8ak8ini ki pi nag8ani acitc ogi nigockagona8a. Ogi noda8a8an dac a8ian iima 8ak8ikag e odji mad8e anim8endjin e ikidondjin: “Mi aa Nig8izis ka kitci sagiag. Ndotaok dac!”

Min8adjimo8ini kagi ojibiag kitcit8a Lok 2:14

“Icpenimadan Kije Manido icpimig 8ak8ig ka tedj! Oga minan opekadendamo8in kakina a8iagon mizi8ekamig ka min8endamiigodjin.”

Min8adjimo8ini kagi ojibiag kitcit8a Lok 4:21

Jesos dac ogi inan: “Ini ikido8inan ka mazinadegin Isaia omazinaiganikag, nogom ogajigag ki iji8eban maiagotc apitc ka nodaojieg e nabo8adamanin.”

John 1:32

Cabadis kiabadj ki ikido: “Nin dac, ka8in maci nikikenimasi8aban a8enen aa Kije Manidon kagi ikidonipanin kidji pidjinijaogogobanen. Anic dac Kije Manido, 8in ka pidjinijaojidj nibikag kidji sigaadageian, nigi inig: ‘Kiga 8abama Mino Manido e pi najisedj acitc e tedj pejig a8iagokag. Mi aa a8iag ke sigaadagedj Mino Manidokag.’ Mi ka ikidodj Kije Manido. Kegapitc mi teb8e ka ijiseg. Nigi 8abama Mino Manido e pi najisedj 8ak8ig, mi maia omimi ka 8abizidj ejinagozidj, acitc Jesosikag ki iji te Mino Manido.

John 12:28

Nidadam! 8abadai8en epitci icpendag8ag ki8izon!” ki ikido Jesos. Midac ki noda8agani8i a8iag 8ak8ig e odji anim8edj, e ikidodj: “Aja nigi 8abadai8e adi epitci kitci icpendag8ag, acitc kiabadj mina8adj niga iji 8abadai8e.”

John 5:37

Nidadam dac kagi pidjinijaojidj, mi ke8in nimikomig. Anic dac ka8in 8ikad kidodji noda8asi8a8a e anim8edj acitc ka8in 8ikad kidodji 8abamasi8a8a adi ejinagozidj.

Jesos Odanodaganan Odijitcige8ini8an 10:38

Jesos, Nazaret ka odjidj, ogi onabamigon Kije Manidon, midac ka iji minigodjin Mino Manidon acitc macka8izi8ini. Ki kitci paba ija, e paba mino todag, acitc e kigeadjin a8iagon madji manidon ka kigickagondjin. Kije Manido mega ogi 8idji8an.

Kolosi 1:13

Kigi 8ack8ebinigonan ka iji kitci kacki tibikanig ka kitci tibenimigo8akoban, acitc kigi minigonan Og8izisan ka kitci sagiadjin kidji odogimami8aiak.

1 Pien 2:4

Nazikaok ka Tibendjigedj, 8in ka migi8edj pimadizi8ini. Mi maia asini ka abadizidj e migi8amikani8anig ejinagozidj. A8iagog ogi ana8enima8an ini asinin, anic dac Kije Manido ogi onabaman acitc okitci apiteniman.