Min8adjimo8ini kagi ojibiag kitcit8a Lok 3:14 - Kije Manido Odikido8in: Ocki Mazinaigan

¹⁴ Midac ke8ina8a nandam cimaganicag ogi k8ag8edjima8an: “Nina8it dac, adi kegi todamagiban?” Ogi nak8e8ajian: “Ka8in kimodimakegon a8iagog oconiami8an, acitc ka8in 8aiejimakegonig a8iagog kidji aia8eg oconiami8an. Mi iji min8endamok adi e taso conia8eieg.”

Min8adjimo8ini kagi ojibiag kitcit8a Lok 3:14 Iomraidhean Croise

Matio 8:5

Apitc Jesos ka tag8icig Kaponaom (Capernaüm) odenakag, pejig cimaganici ogiman ega ka Coda8inni8indjin ogi pi nda 8abamigon, acitc ogi pagosenimigon kidji 8idoka8adjin.

Min8adjimo8ini kagi ojibiag kitcit8a Lok 19:8

Zaci dac ki pazig8i acitc ogi inan Jesosan: “Tebendjigean! Niga minag abita nidaiman ka kidimagizi8adj, acitc kicpin ki 8aiejimag a8iag, ni8inanaj na8adj a8acamej niga ki8e mina.”

Min8adjimo8ini kagi ojibiag kitcit8a Lok 3:10

Igi8e dac a8iagog ogi k8ag8edjima8abanin: “Adi dac kegi todamagiban?”

Min8adjimo8ini kagi ojibiag kitcit8a Lok 3:13

Ogi nak8e8ajian: “Ka8in a8acamej k8ag8ed8ekegon conia inigik ka iji inakonigo8eg kidji k8ag8ed8eieg.”

Jesos Odanodaganan Odijitcige8ini8an 10:7

Midac ka iji madjandjin ajenin kagi aiamiigopanin. Konelias dac ogi nd8e8eman nijin odanodaganan omigi8amikag ka tajikendjin acitc pejig cimaganican 8eckadj aja e anokitagodjin, ke8in e manadjiapanin Kije Manidon.

Pilip 2:15

kidji gi odji k8aiakozieg acitc kidji gi odji paiekideeieg. Kije Manido dac odabinodjijiman kiga ijinagozim, ega e madji inakamigizieg. A8iagog ka 8agackizi8adj acitc ka madji inadizi8adj ki8idji tajikema8ag. Meg8adj dac e taji 8idji8eg8a, tabickotc 8anagocag ka 8asakone8adj ka iji kacki tibikanig kida ijinagozim,

Pilip 4:11

Ka8in nidikidosi ii osa e nodeseian kegon. Aja mega nigi kikinoamadizonan kidji min8endaman 8egonenigotc aiaman.

Tite 2:3

Mi pejig8an, ijik kokomag kidji k8aiak8adizi8adj kidji gi odji min8endamia8adjin Kije Manidon. Ka8in kada paba madji mikomi8esi8ag, acitc ka8in kada kitci minik8esi8ag. Tiegodj, inendagozi8ag kidji kikinoamage8adj adi ke iji k8aiak8adizinani8anig.

Kagi iji 8abadaagani8idj John 12:10

Ick8a dac ii, nigi noda8a a8iag 8ak8ig e odji anim8edj e kitci kiji8edj. Mi oo8eni ka ikidodj: “Nogom nag8an Kije Manido egi ag8acimigo8ak. Ki 8abadai8e adi epitci macka8izidj, 8in mega ogima8i. Nogom kigi 8abamanan adi epitci macka8izindjin ini8e Kije Manido ka pidjinija8adjin. Tcabacic mega ki iji8ebinagani8i aa8e ka nta inactaonapanin Kije Manidon odanicinabemini. Apanigotc odinactaonabanin nigan Kije Manidokag, meg8a tibik acitc meg8a kijik.