Min8adjimo8ini kagi ojibiag kitcit8a Lok 22:30 - Kije Manido Odikido8in: Ocki Mazinaigan

³⁰ Nidogima8i8inikag dac kiga 8idji 8isinimijim acitc kiga 8idji minik8emijim ni8isini8aganikag. Kiga abim kidogima8i tesabi8agani8akag, kidji tibakoneg8a ka midatcin acitc niji8adj ka inakanezi8adj Israel a8iagog.”

Min8adjimo8ini kagi ojibiag kitcit8a Lok 22:30 Iomraidhean Croise

Matio 19:28

Jesos dac ogi nak8e8ajian: “Teb8e ki8idamonom, apitc Kije Manido koki ojitodjin kakina kegonan, Ka pi Anicinabe8iidizodj kada taji abi odogima8i tesabi8aganikag ka kitci icpendag8anig. Ii dac apitc, kina8a ka midatcin acitc nijieg kagi nosoneojieg, kiga abim kekina8a pepejig e tacieg kidogima8i tesabi8agani8akag, kidji tibakoneg8a ka midatcin acitc niji8adj ka inakanezi8adj Israel a8iagog.

Matio 5:3

“Ca8endagozi8ag igi8e ka kikendamo8adj ega eta 8ina8akag kidji gi iji apacenimo8adj, Kije Manidokag dac maia kidji iji apacenimo8adj, Kije Manidon mega Odogima8i8inikag iji tibendagozi8ag!

Matio 8:11

Ki8idamonom oo8e. Mane a8iagog 8abanog acitc nigabianog ka odji8adj kada pidige8ag Kije Manidon Odogima8i8inikag acitc kada iji abi8ag ka iji magocani8anig kidji 8idji 8isinima8adjin Abanaaman (Abraham), Aisikan (Isaac) acitc Tcekapan (Jacob).

Min8adjimo8ini kagi ojibiag kitcit8a Lok 12:37

Kada mino iji8ebizi8ag igi8e anokitage8innig e mikago8adjin okackami8an e taji pio8adj, ega e taji niba8adj. Teb8e ki8idamonom, kada meckodjikonae aa kacka, tabickotc anokitage8inni kidji ijiodj, acitc oga nd8e8eman odanokitage8inniman kidji 8isinindjin acitc 8in tibina8e oga acaman.

Min8adjimo8ini kagi ojibiag kitcit8a Lok 14:15

Apitc ka ick8a nodag adi ka ikidondjin Jesosan, pejig a8iag e taji 8idji 8isinimagobanen ogi inan: “Ca8endagozi aa a8iag ke 8isinidj ka iji magocani8anig Kije Manidon Odogima8i8inikag.”

2 Timote 2:12

Kicpin cacibendamak e kodagito8ak, kiga 8idji ogima8imanan. Kicpin ana8enimaiak, ke8in kiga ana8enimigonan.

Jak odojibiigan 1:1

Nin Jak. Nidanokita8ag Kije Manido acitc Jesos Christ ka Tibeniminak. Kidanamikonom kina8a kakina, Kije Manido kagi onabamigo8eg 8inikag kidji iji tibendagozieg. Nogom dac mizi8ekamig kipaba tem, pepakan akin egi ijinijaogo8eg.

Kagi iji 8abadaagani8idj John 19:9

Pejig dac ajeni nigi inig: “Ojibian oo8e. Ca8endagozi8ag igi8e kagi nd8e8emagani8i8adj kidji ija8adj ka iji magocani8anig apitc e niba8indjin Mantcenicesan.” Nigi inig kiabadj: “Mi ka ikidodj Kije Manido, teb8emagan dac ii.”

Kagi iji 8abadaagani8idj John 3:21

Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.

Kagi iji 8abadaagani8idj John 4:4

Nijidana acitc ni8in (24) kitci ogima tesabi8aganan 8ajagametebanin ii kitci ogima8i tesabi8aganikag, acitc nijidana acitc ni8in kitci anicinabeg taji abibanig. 8abiginoobanig, acitc oza8iconia sizok8epizonan okigickana8abanin.