Min8adjimo8ini kagi ojibiag kitcit8a Lok 15:32 - Kije Manido Odikido8in: Ocki Mazinaigan

³² Panima dac kida magocemin acitc kida min8endananan, kicimej mega ki nibo nidinenimaban, ki koki pimadizi dac. Ki 8anicinoban, nigi koki mika8a dac.’ ” Mi ka inadisokedj Jesos.

Min8adjimo8ini kagi ojibiag kitcit8a Lok 15:32 Iomraidhean Croise

Matio 18:11

[Nin dac, Ka pi Anicinabe8iidizodj, nigi pi nda ag8acimag kagi 8anicino8adj.]”

Min8adjimo8ini kagi ojibiag kitcit8a Lok 15:24

Nig8izis mega ooma ka tedj, ki nibo kagi inenimagiban, ki koki pimadizi. Ki 8anicinoban, acitc dac nigi koki mika8a,’ ki ikido. Midac ka iji kitci magocani8ag.”

Min8adjimo8ini kagi ojibiag kitcit8a Lok 15:31

“Aa dac nabe ogi inan: ‘Nig8izis! Kabena ooma ki8idji tajikemijinan, acitc kakina kegonan ka tibendamanin kin kitibendanan.

Min8adjimo8ini kagi ojibiag kitcit8a Lok 7:34

Nin dac, Ka pi Anicinabe8iidizodj, apitc ka tag8icinian kidji pi nda kagik8eian, ka8in nidodji mana 8isinisi acitc ka8in nidodji mana minik8esi. Midac kiabadj ka iji ikido8eg: ‘Kana8abamik aa nabe! Mi eta kidji 8isinidj acitc kidji minik8edj cominaboni eji mika8idj. Omino 8idji8an ini8e ka ma8adjiandjin conian kitci ogiman odji, acitc ini8e ka madji inadizindjin,’ kigi ikidona8aban.

Ojibiama8agani8i8ag ka teb8etamo8adj Rom odenakag 11:15

Apitc Coda8innig kagi k8ekigaba8itago8apanin Kije Manidon, kodagiag a8iagog ooma akig okackitona8aban kidji ani mino 8idji8a8adjin Kije Manidon. Apitc dac Kije Manido ke koki odapinadjin Coda8innin, mi maia tabickotc kagi nibonigobanen acitc kagi koki pimadizinigobanen ke ijinagozindjin.

Ojibiama8agani8i8ag ka teb8etamo8adj Rom odenakag 3:19

Kikikenimananag panima Coda8innig ki nosoneamo8adjin kakina Inakonige8inan kagi minigo8apanin Kije Manidon. Ka8in dac a8iag kadagi ikidosi ega e kikendag e panaagedj, acitc kakina a8iag Kije Manidon oga tibakonigon.

Ojibiama8agani8i8ag ka teb8etamo8adj Rom odenakag 3:4

Ka8in 8ikad ii kada ijisesinon! Misa8adj e kagina8icki8adj kakina a8iagog, pijicig Kije Manido oga todan adi ka ikidodj. Mi maia pejig8an kagi ojibiigadenigobanen Kije Manido Omazinaiganikag: “Kin dac, apitc ako anim8ean, kakina kiga kikenimigog e teb8e8adj. Apitc ako inactaonigo8an, kada paietenag8an ega odji pejig egi panaagean.” Psaume 51.6(4)