Min8adjimo8ini kagi ojibiag kitcit8a Lok 12:42 - Kije Manido Odikido8in: Ocki Mazinaigan

⁴² Ka Tibendjigedj dac ki ikido: “A8enen dac aa8e anokitage8inni ka teb8eiendagozidj acitc ka kagita8endagozidj? Mi aa ke igodjin okackaman: ‘Kiga nagadjiag kakina a8iagog nimigi8amikag ka anokitaoji8adj meg8adj ke tanedian. Kakina pepejig e taci8adj kiga minag midjimini eko tibise8adj apitc odji 8i 8isini8adj,’ inagani8i.

Min8adjimo8ini kagi ojibiag kitcit8a Lok 12:42 Iomraidhean Croise

Matio 13:52

Ogi inan dac: “A8enenigotc 8e8enda ka kikendagin Coda8inni Inakonige8inan, acitc ani kikendag adi eji kikinoamage8ag e mikodam8ag Kije Manidon Odogima8i8ini, 8adan oo ejinagozidj. Mi maia tabickotc ka kitci 8anadizidj a8iag ejinagozidj, ka kitci manenigin o8anadizi8inan omigi8amikag, nandam ocki kegonan acitc nandam 8eckadj kegonan.”

Matio 20:8

“Apitc dac e ani onag8icinig, aa8e ka tibendag kitigan akini ogi inan ini ka kackakanandjin kakina anokitage8innin: ‘Nd8e8emik kakina anokitage8innig, acitc kijikaok egi mikimo8adj. Igi8e dac ick8eag kagi anonagani8i8adj nitam kiga kijika8ag, acitc dac igi8e nitam kagi madjita8adj, ick8eag kiga kijika8ag.’ ”

Min8adjimo8ini kagi ojibiag kitcit8a Lok 12:43

Kicpin dac okackaman apitc pi ki8endjin 8abamigodjin 8e8enda e anokita8adjin, kada mino iji8ebizi aa anokitage8inni.

Min8adjimo8ini kagi ojibiag kitcit8a Lok 7:13

Apitc ka Tibendjigedj ka 8abamadjin ini ik8e8an, ogi kitci kidimageniman acitc ogi inan: “Ka8in ma8iken!”

Min8adjimo8ini kagi ojibiag kitcit8a Lok 7:19

Ogi ijinija8an dac kidji nda 8abama8adjin Jesosan, kidji nda k8ag8edjima8adjin: “Kin na aa8e Kije Manidon kagi ikidonipanin kidji pidjinijaogodjin? Kek8an kodag panima niga pianan?”

Jesos Odanodaganan Odijitcige8ini8an 20:28

Iag8amenimidizok dac, acitc nagadjiikog kakina igi8e ka teb8etamo8adj, Mino Manido kagi anonigo8eg kidji nagadjieg8a. 8e8enda kana8enimikog igi8e ka teb8eta8a8adjin Kije Manidon, tabickotc a8iag ka kana8enimadjin omantceniciman. 8in mega Kije Manido otibeniman, Og8izisan egi odji pagidenimidizondjin kidji nibondjin.

1 Timote 3:15

kicpin dac 8ikadedian, kiga odji kikendan adi ke todaminipanin Kije Manido odanicinabeman ma8asag kidji mino inadizindjin, ini8e a8iagon ka ma8adjiidindjin kidji aiamiendjin, ka iji tibendagozindjin Kije Manidokag, 8in kagige ka pimadizidj. Igi8e mama8 ka teb8eta8a8adjin Kije Manidon, mi 8edji macka8izimaganig acitc mi 8edji sogi kana8endjigadenig Kije Manido oteb8e8in.

1 Timote 5:17

Panima kada kitci manadjiagani8i8ag ka niganizi8adj 8e8enda ka kana8abama8adjin ka teb8etamindjin, acitc panima tibise 8e8enda kada kijika8agani8i8ag. A8acamej kada manadjiagani8i8ag igi8e ka kagik8e8adj acitc ka kikinoamage8adj Kije Manidon odikido8ini.

2 Timote 4:2

Pijicig kagik8en Kije Manido odikido8in, kicpin 8i ndotaok8a a8iagog kek8an misa8adj ega 8i ndotaok8a. Apitc a8iagog madji inakamigizi8adj, mi iji 8idamaok, kagikimik kidji ponito8adj, acitc 8idjiik kidji mino inakamigizi8adj. 8e8enda maia cacibendan e kikinoamagean.

Tite 1:7

Aa8e ka niganizidj aiamiemigi8amikag, odanokita8an Kije Manidon. Kada k8aiak8adizi dac, ega kegoni kidji gi inactaonagani8idj. Ka8in kada kitci inenimidizosi, ka8in kada 8ake8ina8ezisi, ka8in kada kitci minik8esi, ka8in kada sogendagozisi, acitc ka8in oda k8ag8e 8agackibinasi8an a8iagon kidji odji kackiadjin conian.

Ebaro 13:17

Ndotaokog ka niganizi8adj kina8akag acitc todamok adi ka inanonigo8eg. Apanigotc mega kinagadjiigo8ag, e kikendamo8adj panima kidji 8idama8a8adjin Kije Manidon adi kagi iji mikimo8adj. Kicpin ndota8eg8a, kada min8endamog e ijita8adj omikimo8ini8a. Kicpin dac ega ndota8eg8a, kada kackendamog, acitc ka8in odji pejig kigagi 8idjiigosi8ag.

Ebaro 13:7

Mamidonenimikog 8eckadj ka niganizi8apan, kagi pi tibadjimotago8eg Kije Manidon odikido8ini. Mamidonenimikog adi kagi iji k8aiak8adizi8adj, acitc adi kagi iji sogi teb8etamo8adj pinici kidji nibo8adj. Kagikina8abamikog dac adi kagi iji teb8etamo8adj.

Ebaro 3:5

8eckadj ako, teb8eiendagoziban Mois e anokitage8inni8ipan kidji gi 8idoka8adjin kakina Kije Manidon odanicinabemini, e mikodagin kegonan ke tibadjimondjin Kije Manidon nage.

1 Pien 4:10

Kije Manido kikitci mino todago8a, pepejig e tacieg e minigo8eg pepakan ca8endjige8inan. Kakina dac pepejig a8iag 8e8enda oda odapinan ii ca8endjige8ini kagi minigodjin, kidji gi odji 8idjiadjin kodagian.