Min8adjimo8ini kagi ojibiag kitcit8a Lok 12:18 - Kije Manido Odikido8in: Ocki Mazinaigan

¹⁸ Kiabadj dac ki taji ainendam: ‘Mi oo8e ke todaman. Niga pigobidonan nimijackogi8aman, kodagian dac niga ojitonan na8adj e micagin. Mi iima ke iji ato8anin nikitiganan acitc kodagian kegonan ka tibendamanin.

Min8adjimo8ini kagi ojibiag kitcit8a Lok 12:18 Iomraidhean Croise

Matio 6:26

Kana8abamikog pinecijag icpimig ka pabamise8adj. Ka8in kitigesi8ag, acitc ka8in oma8adjitosina8an kitiganan kagi kitige8adj, acitc ka8in tag8asini ke iji asadjigo8adj. Misa8adj dac, Kije Manido Kidadami8a 8ak8ig ka tedj, odacaman. Kana na8adj kina8a kidapitendagozisina8adok apitc8in igi pinecijag?

Min8adjimo8ini kagi ojibiag kitcit8a Lok 12:17

Otaji mamidonendanaban dac: ‘Adi ke todaman? Ka8in tibise ta8atesinon ke iji ato8anin nikitiganan.’

Min8adjimo8ini kagi ojibiag kitcit8a Lok 12:19

Niga inidizonan dac: Kitci manedon kidaiman, kiabadj kitci mane pibon kigagi odji pimadjionan. An8ebin, 8isinin, minik8en, acitc min8endan, mi ke inidizo8an,’ ki inendam.

Min8adjimo8ini kagi ojibiag kitcit8a Lok 12:21

Jesos kiabadj ki ikido: “Mi ke ijisedj aa8e ka kitci ma8adjitamadizodj 8anadizi8inan, ega dac pekic ka ma8adjitamadizodj kidji min8abamigodjin Kije Manidon.”

Min8adjimo8ini kagi ojibiag kitcit8a Lok 12:24

Kana8abamikog kakagig. Ka8in kitigesi8ag, acitc ka8in oma8adjitosina8an kitiganan kagi kitige8adj, acitc ka8in tag8asini ke iji asadjigo8adj. Misa8adj dac Kije Manido odacaman. Na8adj kina8a kidapitendagozina8adok apitc8in igi pinecijag!

Min8adjimo8ini kagi ojibiag kitcit8a Lok 18:4

“Aa tibakonige8inni kin8ej ka8in ododji iji nda8endasin. Kegapitc dac ki inendam: ‘Teb8e ka8in nimanadjiasi Kije Manido acitc ka8in a8iag nikidimagenimasi.

Min8adjimo8ini kagi ojibiag kitcit8a Lok 18:6

Kiabadj dac ka Tibendjigedj ki ikido: “Ndotaok aa madji tibakonige8inni adi ekidodj.

Jak odojibiigan 3:15

Ii mega ka ijinag8ag kagita8endamo8in ka8in Kije Manidokag odjimagasinon, tiegodj ooma akig iji tibendag8an, a8iagokag ega ka kigickago8adjin Mino Manidon iji tag8an ii, acitc madji manidokag odjimagan.

Jak odojibiigan 4:13

Ndotamok, kina8a ka ikido8eg: “Ogajigag konima 8abag pejig odena niga ijamin, pejigopibon niga a8i tajikemin, niga ada8e8inni8imin, acitc conia niga kackianan.”

Jak odojibiigan 4:15

8adan oo8e ke ikido8egoban: “Kicpin ka Tibendjigedj iji nda8endag, niga taji pimadizimin acitc mi ke inakamigiziag,” kida ikidom.