Min8adjimo8ini kagi ojibiag kitcit8a Lok 11:22 - Kije Manido Odikido8in: Ocki Mazinaigan

²² Anic dac kicpin a8iag na8adj macka8izidj tag8icig acitc miganadjin ini a8ian acitc pakina8adjin, omakaman kakina omokomani ka iji apacenimonipanin, acitc kakina madina8e odaimini ini naben kagi pakina8adjin.”

Min8adjimo8ini kagi ojibiag kitcit8a Lok 11:22 Iomraidhean Croise

Min8adjimo8ini kagi ojibiag kitcit8a Lok 11:21

“Apitc a8iag macka8izidj acitc kitci aidjiodj e kana8endag omigi8am, ka8in 8ikad kada nigodisini8an odaiman.

Min8adjimo8ini kagi ojibiag kitcit8a Lok 11:23

“Kicpin a8iag ega 8idji mikimomijidj, onagabidon nimikimo8ini. Kicpin a8iag ega 8idjiijidj kidji ma8adjiimagin a8iagon, tiegodj odobenija8an.”

Epes 6:11

Misa maia ako tabickotc 8eckadj cimaganic ka pisikagibanin omigazo8inni 8aianan kidji ega nigodidj, acitc ega kidji cagodjiagani8idj apitc migadinani8anig, mi panima ki ijiidizo8eg kekina8a, ega kidji nigodieg acitc kidji gi miganeg madji manido. Abadjitaokon dac kakina ini kegonan Kije Manido ka minigo8eg kidji gi odji cagodjieg madji manido apitc k8ag8e 8agackibinigo8eg kidji patadieg.

Epes 6:13

Midac abadjitaokon kakina ini kegonan Kije Manido kagi minigo8eg, ega kidji cagodjiigo8eg ka madjenimigo8eg apitc ako pi miganigo8eg. Apitc dac ick8a miganigo8eg, kiabadj kiga taji sogigaba8im.

Kolosi 2:15

Midac iidi Kije Manido kagi iji makamadjin omacka8izi8ini ini manidon ka ogima8indjin acitc ka macka8izindjin. Ogi cagodjian ini kakina, acitc tabickotc takoniganan ogi ijinago8an. Mi iidi ka iji 8abadaadjin kakina a8iagon egi cagodjii8endjin Jesosan, apitc ka nibondjin tcibaiatigokag.

1 John 3:8

Aa dac a8iag ka nta patadidj, madji manidon otibenimigon. Madji manido mega teci8ag ki patadi apitc ka kijendjigadenig akini. Jesos dac, Kije Manido Og8izisan, mi 8edji ki pi tag8icig ooma akikag, kidji pigobidodjin kakina madji manidon omikimo8ini.

1 John 4:4

Nidabinodjijimag ka kitci ineniminagok! Kije Manidokag kidiji tibendagozim. Ka8in dac kidodji teb8eta8asi8a8ag igi8e ka kagina8icki8adj a8iagog. Kije Manido mega ka kigickago8eg na8adj macka8izi apitc8in madji manido ka kigickago8adjin igi8e ega e teb8eta8a8adjin Kije Manidon.