Min8adjimo8ini kagi ojibiag kitcit8a Lok 1:80 - Kije Manido Odikido8in: Ocki Mazinaigan

⁸⁰ Misa ki ani obigi aa abinodjij, acitc mane ogi ani nisidotan kegoni, eckam e ani kitci k8aiak8adizidj. Ki tajike pig8adakamigokag pinici kidji odjitcisenig kidji kikenimagani8ipan Israel a8iagokag.

Min8adjimo8ini kagi ojibiag kitcit8a Lok 1:80 Iomraidhean Croise

Matio 11:7

Apitc ka ick8a madjandjin Cabadisan okikinoamaganan, Jesos ogi mikoman Cabadisan a8iagokag e ikidodj: “Apitc ka ijaieg pig8adakamigokag, a8enen kagi a8i nda 8abameg? Kidinendana8aban na kidji 8abameg a8iag e kitci cagozidj, tabickotc nibic ka kitci mamadji8ebasag e nodinig e ijinagozidj? Ka8in sa iidi!

Matio 3:1

Ii apitc, Cabadis ki odji tag8icinogoban pig8adakamig Coda (Judée) akikag, e paba kagik8edj oo8e:

Min8adjimo8ini kagi ojibiag kitcit8a Lok 1:15

Aa8e mega kig8izis oga kitci inenimigon ka Tibendjigendjin. Panima ega 8ikad kidji minik8edj cominaboni kek8an ka macka8agaminig. Mizi8ena oga pidigeckagon Mino Manidon teci8ag ki ick8a nta8igidj.

Min8adjimo8ini kagi ojibiag kitcit8a Lok 2:40

Jesos dac ki ani obigiban acitc ki ani macka8iziban. Ki ani kagita8endamogoban acitc Kije Manidon ogi kitci min8abamigobanin.

Min8adjimo8ini kagi ojibiag kitcit8a Lok 2:52

Jesos dac eckam ki ani madjigiban acitc eckam ki ani kagita8endamogoban. Kije Manidon acitc kakina a8iagon omin8enimigobanin.

John 1:31

Ka8in dac maci nikikenimasi8aban a8enen aa ka mikomag. Misa8adj dac nigi pija e sigaadageian nibikag, kakina Israel a8iagog kidji gi kikenima8adjin.”

Jesos Odanodaganan Odijitcige8ini8an 18:28

Ogi kitci aiamiagoban mega Coda8innin ka iji manenani8anig, acitc ogi 8abadaan ega k8aiak e inakamigizindjin. Kije Manidon dac Omazinaigani odabadjitonagoban 8e8enda kidji kikendamoni8edj mi ini8e Jesosan Kije Manido kagi ikidogobanen kidji pidjinija8agobanen.