Min8adjimo8ini kagi ojibiag kitcit8a Lok 1:78 - Kije Manido Odikido8in: Ocki Mazinaigan

⁷⁸ Kikije Manidominan mega kitci minodee acitc kitci kije8adizi. Kina8it odji Kije Manido 8edji ki pidjinijaag 8asea8ini 8ak8ig ka odjimaganig, tabickotc ako ka mokaag kizis ka ijinag8anig,

Min8adjimo8ini kagi ojibiag kitcit8a Lok 1:78 Iomraidhean Croise

John 3:16

Kije Manido mega epitci sagiadjin a8iagon, ogi pidjinija8an Og8izisan ka motci pejigondjin. Kakina dac a8iagog ke teb8eta8a8adjin Kije Manidon Og8izisini, ka8in kada 8anicisi8ag, tiegodj oga aiana8a kagige pimadizi8ini.

Epes 5:14

Mi 8edji mazinadegiban oo8e: “Kockozin kin ka nibaian, 8anickan kin ka iji nibonani8ag ka tean, midac Jesos Christ kiga 8asenamag.” Mi mezinadegiban.

Pilip 1:8

Kije Manido okikendan e teb8eian e ikido8an “Kisagiinom.” Jesos Christikag dac odjimagan ii sagii8e8in.

Pilip 2:1

Jesos Christikag e iji mama8iseieg, teb8e kikitci odji sogigaba8im. E kikendameg e sagiigo8eg, teb8e kidodji sogideem. Teb8e ki8idjiogo8a Mino Manido. Teb8e kisagiidim acitc ki8idokodadim kakina pepejig e tacieg.

Kolosi 3:12

Kije Manido kigi onabamigo8a, eta 8inikag kidji iji tibendagozieg, acitc kikitci sagiigo8a. Midac pijicig ke odji kije8adizieg, minodeeieg, tabasendizo8eg, nokideeieg, acitc ke odji cacibendameg.

2 Pien 1:19

Midac 8edji maia sogi teb8etam8agidj niganadjimo8innig odikido8ini8an. 8e8enda kekina8a kida ndotana8an odikido8ini8an, mi mega maia 8asakonendjiganan ejinag8anigin ka iji kacki tibikanig. Kiabadj dac ndotamokon pinici kidji mokaag kizis. Ii dac apitc, Jesos kada koki tag8icin, 8in tabickotc kijeba 8anagoc ka ijinagozidj. Kiga minigo8a dac kidji kitci paieteabadamegon kakina kegonan.

1 John 3:17

Kicpin a8iag ka oconiamidj 8abamadjin o8idjiki8en e kitci kidimagizindjin, panima oda 8idjian. Kicpin ega 8i 8idjiadjin, ketcinadj ka8in osagiasi8an Kije Manidon.

Kagi iji 8abadaagani8idj John 22:16

“Nin Jesos kagi pidjinija8ag nidajenim, kidji pi nda 8idamago8eg ono8e tibadjimo8inan kina8a ka teb8eta8eg Kije Manido, ka ma8adjiidieg kidji aiamieieg. Nin aa Davidikag ka pi odaiagizidj, nin ka piijiegoban. Nin kijeba 8anagoc ka kitci tcakizodj,” ki ikido Jesos.