Min8adjimo8ini kagi ojibiag kitcit8a Lok 1:75 - Kije Manido Odikido8in: Ocki Mazinaigan

⁷⁵ midac kidji paiekideeiak acitc kidji k8aiakoziak inigik ke pimadiziak e anokita8aiak.

Min8adjimo8ini kagi ojibiag kitcit8a Lok 1:75 Iomraidhean Croise

Matio 1:21

Kada og8izisi. Jesos kiga ijinikana. Oga ag8aciman mega odanicinabeman adi ka iji patadindjin.”

Min8adjimo8ini kagi ojibiag kitcit8a Lok 1:74

kidji 8idjiinak, ega kidji madji todago8ak igi8e ka madjenimigo8ak, midac kidji gi anokita8aiak ega kidji tajinijiak,

Epes 1:4

Ab8amaci Kije Manido kijendag akini, aja kigi onabamigonan 8inikag kidji iji tibendagozi8aiak, kina8it Jesos Christikag ka iji mama8iseiak, midac kidji 8abamigo8ak e paiekideeiak acitc e k8aiak8adiziak. Epitci sagiigo8ak,

Epes 2:10

Kije Manido mega kigi minigonan odabinodjijiman kidji ijinagozi8aiak. Midac Jesos Christikag eji mama8iseiak, Kije Manido ocki pimadizi8ini kigi minigonan, kidji gi paba mino ijitcigeiak. Kijadj dac ogi onendan adi enendagoziak kidji iji mino ijitcigeiak, e nda8enimigo8ak iidi kidji inadiziak.

Epes 4:24

Panima kiga ani ocki a8iago8im. Kije Manido kigi minigo8a ii ocki pimadizi8ini, tabickotc 8in ka ijinagozidj kidji ani ijinagozieg, kidji gi odji k8aiak8adizieg acitc maia kidji gi paiekideeieg.

1 Tesalonika 4:1

Nidjiki8enanag! Mina8adj kodagian kegonan kiga mikodamagom. Kigi kikinoamagom adi ke inadizieg kidji min8endamieg Kije Manido, acitc mi iidi enadizieg. Nogom dac, e aiamiigo8eg e abadjito8ag ii macka8izi8in kagi minigo8ag Jesos ka Tibeniminak, kikitci pagosenimigom kidji kitci k8ag8edjito8eg eckam eckam iidi kidji ani inadizieg.

1 Tesalonika 4:7

Ka8in mega kigi odji nd8e8emigosinan Kije Manido madji aido8inikag kidji taji pimadizi8aiak, tiegodj kidji paiekideeiak.

2 Tesalonika 2:13

Nidjiki8enanag, ka Tibendjigedj ka kitci sagiigo8eg! Nidinendagozimin mig8etc kidji inagidj Kije Manido apanigotc kina8a odji. Ockadokigotc mega ka kijendjigadenig akini, Kije Manido kigi onabamigo8a kidji ag8acimigo8eg. Kigi ag8acimigo8a dac apitc Mino Manido kagi minigo8eg 8inikag kidji iji tibendagozieg, acitc apitc kagi ani teb8etameg teb8e8in.

2 Timote 1:9

Kije Manido kigi ag8acimigonan acitc kigi nd8e8emigonan 8inikag kidji iji tibendagoziak. Ka8in sa egi mino inakamigiziak 8edji ki ag8aciminak, tiegodj sa mi ka iji onendag, acitc mi ka iji ca8eniminak, 8in ka kitci kije8adizidj. Ab8amaci kijendjigadenig akini, aja kijadj kigi minigonan Kije Manido oca8endjige8in, kina8it Jesos Christikag ka iji tibendagoziak.