Min8adjimo8ini kagi ojibiag kitcit8a Lok 1:2 - Kije Manido Odikido8in: Ocki Mazinaigan

² Ogi ojibiana8a ka pi iji kikinoamago8adjin ini8e ka pi 8abadamindjin ockadok kagi iji8ebanig, kagi anonagani8indjin kidji tibadjimondjin Kije Manidon omin8adjimo8ini.

Min8adjimo8ini kagi ojibiag kitcit8a Lok 1:2 Iomraidhean Croise

Min8adjimo8ini kagi ojibiag kitcit8a Mak 1:1

Mi oo8e e odji madjitamagag min8adjimo8in, ka iji mikomagani8idj Jesos Christ, Kije Manido Og8izisan.

Min8adjimo8ini kagi ojibiag kitcit8a Mak 16:20

Okikinoamaganan dac ki madja8an kidji paba tibadjimondjin Kije Manidon omin8adjimo8ini mizi8ekamig. Ka Tibendjigedj dac ogi 8idoka8an acitc ki 8abai8e e teb8emaganig okagik8e8ini8a, e minadjin kidji gi mamada8izindjin.]

Min8adjimo8ini kagi ojibiag kitcit8a Mak 4:14

Kitige8inni mi aa ka tibadjimodj Kije Manidon omin8adjimo8ini.

Min8adjimo8ini kagi ojibiag kitcit8a Lok 24:48

Kigi 8abadana8a adi ka iji8ebag, acitc kidinendagozim kidji paba 8idama8eg8a a8iagog.

John 15:27

Kekina8a kiga mikomijim. Kigi 8idjiojim mega ka ako madjitaian kidji kikinoamageian.”

John 16:4

Nogom dac ki8idamonom ii. Midac apitc odjitcisenig ii kidji todamo8adj, kiga mika8im egi 8idamonagok ii.” “Ka8in oo kidodji 8idamaosinonom apitc nitam ka madjitaieg kidji nosoneojieg, kipaba 8idjiona8aban mega.

Jesos Odanodaganan Odijitcige8ini8an 1:3

Apitc ka ick8a nibodj, mane8inaj ki nagoidizo Odanodaganikag kidji gi odji ketcinamendamindjin teb8e e pimadizidj. Nimidana (40) tasogon inigik kiabadj ki paba 8abamagani8i acitc omikodanaban Kije Manidon Odogima8i8ini.

Jesos Odanodaganan Odijitcige8ini8an 1:8

Macka8izi8ini dac kiga minigo8a, apitc Mino Manido odisigo8eg. Midac kiga mikomijim adi eji kikenimijieg, iima Jerusalem odenag acitc mizi8e Coda (Judée) acitc Samani (Samarie) akig, pinici mizi8ekamig,” ki ikido.

Jesos Odanodaganan Odijitcige8ini8an 14:25

Ki tibadjimo8ag Kije Manidon omin8adjimo8ini Peniga (Perge) odenakag, midac ka ija8adj Attalia odenakag.

Jesos Odanodaganan Odijitcige8ini8an 16:6

Pon acitc o8idji8aganan ki ani cabocta8ecka8ag Parijia (Phrygie) acitc Kalecia (Galatie) akin. Ka8in dac Mino Manidon ododji pagidinigosi8an kidji paba tibadjimo8adj Kije Manidon omin8adjimo8ini 8edi Eja (Asie) akikag.

Jesos Odanodaganan Odijitcige8ini8an 17:11

Igi8e Coda8innig iima ka te8apan na8adj okitci inendana8agoban Kije Manidon omin8adjimo8ini apitc8in igi8e Tesalonika (Thessalonique) ka iji tajike8apan. Ogi kitci mamidonendana8a kagi ikidondjin Ponan acitc Silasan. Taso kajik igi Coda8innig ogi nabo8adana8a Kije Manidon Omazinaigani kidji kikendamo8adj kicpin epitci teb8emaganig8en Ponan ka ikidondjin.

Jesos Odanodaganan Odijitcige8ini8an 26:16

Pazig8in dac! Kigi onabamin kidji anokitaojian. Kiga paba 8idama8ag a8iagog adi ka iji 8abadaman nogom acitc adi ke iji 8abadainan nage. Mi 8edji ki pi nazikaonan ogajigag.

Jesos Odanodaganan Odijitcige8ini8an 8:4

Adigotc ka paba ija8adj ka teb8etamo8adj, ki tibadjimo8ag min8adjimo8ini.

Ojibiama8agani8i8ag ka teb8etamo8adj Rom odenakag 15:16

kidji anokita8ag Jesos Christ, e 8idokaonagok kina8a ega ka Coda8inni8ieg. Apanigotc dac nipaba tibadjimonan Kije Manido omin8adjimo8in adi kagi iji inanonijidj kidji todam8ag, kina8a ega ka Coda8inni8ieg kidji gi iji pagidenimidizo8eg Kije Manidokag, tabickotc ca8endjige8ini ka kitci inendag kidji ijinagozieg, Mino Manido egi ca8enimigo8eg Kije Manidokag kidji iji tibendagozieg.

1 Konit 4:1

Midac kida inenimijinam e anokita8agidj Jesos Christ, kagi inanonigo8ag kidji paba tibadjimo8ag Kije Manidon oteb8e8ini, ega ka kikendamo8agobanen 8eckadj, nogom dac aja Kije Manido kagi kikendamonigo8ag.

Ebaro 2:3

Na8adj dac kiabadj kina8it nogom, ka8in kigagi ojidasinanan kidji pajacteogo8ak kicpin ana8endamak ii ka kitci apitendag8anig ag8acige8ini Kije Manido ka 8i minigo8ak. 8in ka Tibendjigedj Jesos nitam kagi tibadjimotaonak ii ag8acige8ini. Mina8adj dac, igi8e kagi noda8a8adjin Jesosan kigi kikendamonigonanag ke8ina8a adi epitci apitendag8anig ii ag8acige8ini.

1 Pien 5:1

Nidaiamiag nogom ka niganizi8adj ka iji teb8etamindjin. Kenin niniganizinan. Maiagotc nigi 8abama Jesos Christ apitc ka kodagitopan. Midac kenin niga acidagimigo 8ina8akag ke aiamo8adj Jesosan odicpendagozi8ini apitc nag8anig. Midac oo eninagok.

2 Pien 1:16

Aja kigi 8idamagona8aban kidji pi koki tag8icig ka Tibeniminak Jesos Christ omacka8izi8inikag. Ka8in anodjigotc nidodji ainadjimosimin, e abadjito8agin adisokanan ega ka teb8emagagin. Tiegodj, nina8it tibina8e nigi 8abadam8ananan okitci icpendagozi8in.