Kolosi 3:18 - Kije Manido Odikido8in: Ocki Mazinaigan

¹⁸ Kina8a ik8e8ag ka niba8ieg! Pagidendizok kidji ndota8eg ki8idigemagani8a, mi mega iidi enendagozi8adj kidji todamo8adj igi8e ka teb8eta8a8adjin ka Tibendjigendjin.

Kolosi 3:18 Iomraidhean Croise

Jesos Odanodaganan Odijitcige8ini8an 5:29

Pien dac acitc kodagiag Anodaganag ogi nak8e8ajia8an: “Panima ki ndota8agidj Kije Manido, ka8in 8in a8iagog.

1 Konit 11:3

Kinada8eniminom kidji kikendameg oo8e. Nitam ik8e nabekag ki odji kijenimagani8igoban. Kakina nabeg Jesos Christan ogi kijenimigo8an. Jesos Christ dac 8in Kije Manidon ogi pidjinijaogon.

1 Konit 14:34

Apitc ma8adjiidieg kidji aiamieieg, ka8in kada kidosi8ag ik8e8ag. Ka8in mega inendagozisi8ag kidji anim8e8adj ka iji aiamie ma8adjiidinani8anig. Ka8in kada niganisibanig, mi mega kagi ikidomaganigin Coda8inni Inakonige8inan.

Epes 5:22

Ni8idama8ag oo8e ik8e8ag. Pagidendizok kidji ndota8eg ki8idigemagani8a, tabickotc eji pagidendizo8eg kidji ndota8eg ka Tibendjigedj.

Epes 5:3

Kije Manido odanicinabeman ka paiekideendjin kidijinagozim. Ka8in dac odji pejig madji aido8in kida pamendasina8a, ka8in kida madjakamigizisim, acitc ka8in kida odenimasi8a8a a8iag odaiman odji. Ka8in inakamigizikegon a8iag kidji odji inendag e inadizieg iidi.

Epes 5:9

Igi8e mega ka iji 8aseanig ka te8adj kada odji minodee8ag, kada k8aiak8adizi8ag acitc kada teb8eiendagozi8ag.

1 Timote 2:12

Ka8in nipagidinasi8ag ik8e8ag kidji kikinoama8a8adjin naben acitc kidji niganizi8adj nabekag. Panima ega ki kido8adj.