Kolosi 2:8 - Kije Manido Odikido8in: Ocki Mazinaigan

⁸ Iag8amig ega kidji 8aiejimigo8eg a8iag, e abadjitodjin anodj inendamo8inan ega ka teb8emaganigin acitc ega odji pejig ka abadanigin. A8iagokag eta odjise8an ini inendamo8inan, inakonige8inikag acitc ijita8inikag ooma akikag ka kitci apitendag8agin, ka8in 8in Jesos Christikag odjimagasino8an.

Kolosi 2:8 Iomraidhean Croise

Matio 10:17

Iag8amig! A8iagog mega kiga takonigo8ag acitc nigan tibakonige8innikag kiga iji8inigo8ag. Kiga papajacteogo8ag odaiamiemigi8ami8akag.

Matio 16:6

Jesos dac ogi inan: “Iag8amig Coda8innig ka nagadjito8adjin inakonige8inan acitc Coda8innig ega ka teb8etamo8adj abidjiba8ini odobisidjigani8a.”

Matio 7:15

“Iag8amenimikog niganadjimo8innig ka kagina8icki8adj. Mi tabickotc mantcenicag ejinagozi8adj, pekic mi maia tabickotc maiganag ka kitci kotanigozi8adj ejidee8adj.

Jesos Odanodaganan Odijitcige8ini8an 17:18

Nandam kikinoamage8innig, ega ka Coda8inni8i8adj, Epikorianag (Épicuriens) acitc Isto8ik8ag (Stoïciens) ka ijinikanagani8i8adj, ke8ina8a ogi pi nda 8abama8an Ponan acitc ogi k8ag8e tebima8an. Nandam ki ikido8ag: “Adi ekidog8en 8aa nabe? Ka8in kegoni okikendasin.” Kodagiag dac ki ikido8ag: “Tibadjimodok kodagian manidon, e aiamita8agani8indjin kodag akikag 8edi anodj.” Pon mega omikomabanin Jesosan egi abidjibandjin, mi 8edji ki ikidondjin ii.

Jesos Odanodaganan Odijitcige8ini8an 17:32

Apitc igi8e a8iagog ka noda8a8adjin Ponan e mikomandjin Jesosan egi abidjibaagani8indjin, nandam ogi papia8an. Kodagiag dac a8iagog ki ikido8ag: “Nigodin mina8adj ninada8endananan kidji nodamag kitibadjimo8in.”

Ojibiama8agani8i8ag ka teb8etamo8adj Rom odenakag 16:17

Nidjiki8eg! Ki8idamonom dac kidji iag8amieg igi a8iagog ka iji kikinoamage8adj pakan kina8a kagi pi iji kikendameg. O8i nenicikebina8an ka teb8etamindjin, acitc o8i pakebina8an. 8imackaokog igi!

1 Konit 10:12

Midac ii odji, aa8e “Nikitci sogigaba8inan” kagi ikidopan, panima ki iag8amidj, ega kidji pagicig.

1 Konit 8:9

Aja kikikendana8a kidji gi midjieg 8egonenigotc 8a midjieg. Anic dac iag8amig! Ne8ad kiga odji pakebina8ag a8iagog ega maci tibise ka macka8izi8adj oteb8etamo8ini8akag.

2 Konit 10:5

acitc ninagabinananag a8iagog ka kitci inendizo8adj ka nagabina8adjin kodagian kidji kikenimandjin Kije Manidon. Nik8ag8e pakan inendamiananag a8iagog kidji ani ndota8a8adjin Jesos Christan.

Kalecia 1:14

Nin na8adj nigi kitci nak8i e nosoneamaban Coda8inni aiamie8in apitc8in mane kodagiag Coda8innig tabickotc nin ka apitadizi8adj. Inigikigotc epitciaban nigi k8ag8e nosoneanan adi ka iji kikinoamage8apan 8eckadj nikitci anicinabeminabanig.

Kalecia 4:3

Mi maia pejig8an kekina8it, meg8adj kiabadj abinodjijag e ijinagoziakoban ega maci e kikendamakoban teb8e8in, kigi tibenimigonanabanin inakonige8inan acitc ijita8inan, ooma akikag ka kitci apitendag8agin.

Kalecia 4:9

Nogom dac aja kikikenima8a Kije Manido. Kek8an na8adj kada minoseban kidji ikidonani8ag e kikenimigo8eg Kije Manido. Adi dac 8edji kackito8eg kidji 8i koki apitendamegon ini Inakonige8inan acitc ijita8inan, ega ka macka8izimagagin, acitc ega odji pejig ka abadagin? Adi dac 8edji pagidinamegon kidji koki tibenimigo8egon?

Kalecia 5:15

Iag8amig dac! Kicpin kaganondieg acitc manenimidieg kakina pepejig e tacieg, kakina kiga ani nici8anadjiidim.

Epes 2:2

Ii dac apitc kimadji inadizina8agoban ako, apitc kagi nosone8eg8a a8iagog ega ka teb8eta8a8adjin Kije Manidon, acitc kagi nosone8eg kitci madji manido, 8in eji kackitogobanen kidji ogima8idj kakina madji manidokag. 8in mega madji manido ka mikimadjin a8iagon kidji ana8eta8agani8indjin Kije Manidon.

Epes 4:20

Kina8a dac, kikikendana8adok ega iidi eji nda8endag Jesos Christ kidji inakamigizieg.

Epes 5:6

Kije Manido mega oga pajacte8an a8iagon ega ka ndotagodjin, ka inakamigizindjin iidi. Ka8in dac pagidinakegon a8iag kidji 8agackibinigo8eg, e kagina8ickimigo8eg e ikidodj: “Ka8in manadasinon iidi kidji inakamigizinani8ag.”

Pilip 3:2

Iag8amenimikog igi madji kikinoamage8innig ka 8i 8agackibinigo8eg. Ikido8ag panima kidji pak8ejogo8eg kidji 8abadai8eieg e tibenimigo8eg Kije Manido.

Kolosi 2:18

Nandam a8iagog okitci min8endana8a kidji 8abadaa8adjin kakina a8iagon adi epitci tabasendizo8adj, acitc okitci min8endana8a kidji kitci manadjia8adjin ajenin. Mojag opaba mikodana8a adi kagi inabadamo8adj. Ka8in dac pagidinakegonig kidji 8agackibinigo8eg igi, kidji gi odji ega odisigo8eg adi kagi iji kackitamadizo8eg. Kitci inendizo8ag, anica dac igotc ii, osa mega ooma eta akikag ododji midonendana8a.

Kolosi 2:20

Mi maia tabickotc kagi 8idji nibomeg Jesos Christ ejinagozieg, ka8in dac aja kigagi tibenimigosina8an inakonige8inan acitc ijita8inan ooma akikag ka kitci apitendag8agin. 8egonen dac 8edji inadizieg tabickotc a8iagog ooma 8akidakamig ka iji tibendagozi8adj? 8egonen 8edji ndotamegon ono8e inakonige8inan:

Kolosi 2:22

Kegonan ka odjiigo8eg iima inakonige8inikag, mi eta ini kegonan abidinaj ke abadjito8adjin a8iagog, midac ka8in mina8adj kada tag8asino8an. A8iagog igi kagi ojito8adjin ini inakonige8inan acitc kikinoamage8inan.

Kolosi 2:23

Inenimagani8i ako e kagita8endag a8iag ka nosoneagin ini inakonige8inan, osa mega okadjinija8an a8iagon kidji icpenimandjin ajenin, acitc mi maia tabickotc ka kitci tabasendizodj acitc ka kitci kodagiidizodj o8ia8ikag ejinagozidj. Ka8in dac odji pejig abadasino8an ini inakonige8inan kidji 8idjiigopan a8iag kidji nagadjiidizodj ega kidji todag adi eji madji mosa8endag.

1 Timote 6:20

Timote! 8e8enda kana8endan ii ca8endjige8ini Kije Manido kagi minik. Ojimik igi8e anodj kegonan ka aikido8adj, ega Kije Manidokag ka odjimaganigin. Ojimik igi8e ka k8ag8e cagozomidi8adj teb8e8ini odji, “Nikikendananan teb8e8in” ka inendamo8adj, acitc ka 8agackimidizo8adj.

2 Timote 3:13

8ina8a dac ka madji inadizi8adj acitc ka 8aiejimi8e8adj, eckam eckam kada madji inadizi8ag, kodagian a8iagon e 8aiejima8adjin acitc 8ina8a tibina8e e 8aiejimagani8i8adj.

Ebaro 13:9

Iag8amig ega kidji 8agackibinigo8eg igi8e anodjigotc kegoni ka kikinoamage8adj. Kije Manido kiminigonan okitci ca8endjige8in, kidji sogideeiak. Ka8in 8in e nosoneamakonin aiamie Inakonige8inan ka ikidomagagin 8egonen ke midjigadenig ke odji sogideeiak. Ka8in 8ikad ododji 8idjiigosina8a igi8e ka nosoneamo8adj iidi e inakonigani8anig.

Ebaro 3:12

Nidjiki8eg! Nagadjiidiok, ega iaga pejig a8iag kina8akag kidji odji apitci madjideedj acitc kidji apitci ega 8i teb8etag, pinici kidji k8ekigaba8ita8adjin Kije Manidon ka pimadizindjin.

1 Pien 1:18

8eckadj ako, kinana8adakamigizina8aban, e k8ag8e iji pimadiziegoban ako ka iji kikinoamago8eg 8eckadj kikitci anicinabemi8abanig. Kikikendana8a dac adi panima ka iji kijikadamoseg kidji gi ag8acimigo8eg iidi egi iji pimadizieg. Ka8in odji abadizisi oza8iconia kek8an 8abiconia kidji ag8acimigo8eg kek8an kodag kegon ke ani nici8anadag.

2 Pien 3:17

Ni8idji8aganag ka kitci sagiinagok! Kina8a, aja kikikendana8a adi ke iji8ebag. Iag8amendamok dac, ega kidji pakebinigo8eg igi a8iagog ega ka ndota8a8adjin Kije Manidon, ka 8i kackiigo8eg kekina8a kidji patadieg tabickotc 8ina8a. Iag8amendamok ega kidji poni sogigaba8ieg.

2 John 1:8

Iag8amig dac, ega kidji 8anito8egon ini kegonan ka pi kackitamadizo8eg, tiegodj kidji odisigo8egon kakina ca8endjige8inan Kije Manido ka 8i minigo8eg.