Kolosi 2:5 - Kije Manido Odikido8in: Ocki Mazinaigan

⁵ Misa8adj e na8abaminagok, apanigotc kikitci mik8eniminom, acitc nikitci min8endan e kikeniminagok e sogi ma8asag8ino8eg, acitc e sogi teb8eta8eg Jesos Christ.

Kolosi 2:5 Iomraidhean Croise

Jesos Odanodaganan Odijitcige8ini8an 2:42

Midac pijicig ki ma8adjiidi8agoban, kidji ndota8a8adjin Anodaganan e kikinoamago8adjin, kidji 8idjiidi8adj, ma8asag kidji 8isini8adj, acitc ma8asag kidji aiamie8adj.

Jesos Odanodaganan Odijitcige8ini8an 20:21

Nigi 8idama8ag kakina a8iagog, Coda8innig acitc ega ka Coda8inni8i8adj, kidji an8endizo8adj, kidji koki nazika8a8adjin Kije Manidon, acitc kidji teb8eta8a8adjin Jesosan ka Tibeniminak.

1 Konit 11:34

Kicpin a8iag kitci 8i 8isinidj, na8adj kada minoseni omigi8amikag pinama kidji nda 8isinidj ab8amaci ma8adjiidinani8anig. Apitc dac ma8adjiidieg, ka8in Kije Manido kiga tibakonigosi8a. Kodagian kegonan kiga kikinoamaonom apitc tag8icinian.

1 Konit 14:40

Midac eta kakinagotc e ijitaieg eji aiamie ma8adjiidinani8ag, 8e8enda ijitaok, ega kidji ki8ack8eiendag8ag.

1 Konit 15:58

Nidjiki8eg ka kitci sagiinagok! Sogigaba8iok! Ka8in 8ikad pagidenimidizokegon pakan kidji iji teb8etameg! Kabena anokitaok Jesos ka Tibeniminak enigokodeeieg, kikikendana8a mega ega ceck8at e anokita8eg.

1 Konit 16:13

Eco8iok! Macka8iziok kiteb8etamo8ini8akag! Ka8in ana8endjigekegon! Sogigaba8iok!

Kolosi 2:1

Ninada8endan kidji kikenimijieg adi epitci kitci nak8ian kidji 8idokaonagok, acitc kidji 8idoka8ag8a ka teb8etamo8adj Leadisia (Laodicée) odenag ka tajike8adj, acitc kakina a8iagog ega maci ka nagickaoji8adj.

1 Tesalonika 2:17

Nidjiki8enanag! 8enibik kigi na8abimidimin, anic dac kabena kigi mik8enimigom. Nigi kitci sogi nda8endananan kidji gi koki nda 8abamigo8eg, acitc kakinagotc nigi todananan kidji ijiseg iidi.

1 Tesalonika 3:8

Mi mega maia tabickotc kagi minigo8ag ocki pimadizi8in ejinag8ag nogom, aja e kikendamag kiabadj e sogigaba8ieg e teb8eta8eg ka Tibendjigedj.

Ebaro 3:14

Ki8idji mikimomanan nogom Jesos Christ, kicpin sogi teb8eta8aiak pinici kidji ick8a pimadiziak, tabickotc kagi iji sogi teb8eta8aiak ockadok.

Ebaro 6:19

Mi maia tabickotc kinabadjigan ka kitci sogi kinabadeg kitci tciman ejinag8ag ii apenimo8in kidjitcagocinakag. Kikitci sogi midjiminigonan kidji gi sogigaba8iak, acitc oditamomagan 8edi 8ak8ig taji e tedj Kije Manido, taji ma8adji ka iji kitcit8a8anig.

1 Pien 5:9

Ka8in pabajine ndota8akegon madji manido, acitc sogigaba8iok kiteb8etamo8ini8akag. Kikikenima8adog8enag ka 8idji teb8etamomigo8eg, mizi8ekamig ka paba te8adj, e taji kodagito8adj tabickotc kina8a ka iji kodagito8eg.