Kolosi 2:10 - Kije Manido Odikido8in: Ocki Mazinaigan

¹⁰ Kigi odisigona8a dac kekina8a ii pimadizi8in Kije Manidokag ka odjimagag, Jesos Christikag egi iji mama8iseieg, 8in ka tibenimadjin kakina manidon ka ogima8indjin acitc ka macka8izindjin.

Kolosi 2:10 Iomraidhean Croise

Matio 28:18

Jesos dac ogi nazika8an acitc ogi inan: “Nigi minigo macka8izi8in kidji ogima8ian 8ak8ig acitc akikag.

John 1:16

Kakina kigi minigonan oca8endjige8inan. Epitci kije8adizidj, minamina8adj kigi ca8enimigonan.

1 Konit 15:24

Midac ii apitc ke ponaki8ag. Jesos oga cagodjian kakina madji manidon acitc okackamini acitc kakina a8ian ka ogima8indjin ooma akikag ka madjenimandjin Kije Manidon, midac oga minan Kije Manidon Odadaman oo Ogima8i8ini.

Epes 3:10

Nogom dac ogi kikendamonan oniganendamo8in a8iagon ka teb8etagodjin. Midac manidog ka ogima8i8adj acitc ka macka8izi8adj, oga 8abama8an ini a8iagon ka teb8etamindjin acitc oga kikendana8a adi Kije Manidon kabe epitci kagita8endamindjin.

Epes 3:19

Epitci kitci micanig osagii8e8in, ka8in 8ikad a8iag oga kackitosin kidji cabo nisidotag. Nidaiamie dac na8adj eckam kidji ani kikendameg osagii8e8in, midac Kije Manido kidji gi odji minigo8eg maia 8in ka ijinagozidj kidji ani ijinagozieg.

Kolosi 2:15

Midac iidi Kije Manido kagi iji makamadjin omacka8izi8ini ini manidon ka ogima8indjin acitc ka macka8izindjin. Ogi cagodjian ini kakina, acitc tabickotc takoniganan ogi ijinago8an. Mi iidi ka iji 8abadaadjin kakina a8iagon egi cagodjii8endjin Jesosan, apitc ka nibondjin tcibaiatigokag.

Kolosi 3:11

Ka8in dac pepakan apitendagozisi8ag a8iagog. Kicpin Coda8inni8i8adj kek8an ega ka Coda8inni8i8adj, kicpin pak8ej8agani8i8adj kek8an ka8in, kicpin pi8ide8i8adj konigotc kicpin pakan inakanezi8adj ega dac sabenimagani8i8adj, kicpin tibenimagani8i8adj kidji anokitage8adj kek8an tibenimidizo8adj, kakina tabickotc pejig8eiendagozi8ag. 8in dac eta Jesos Christ apitendagozi, acitc kakina okigicka8an ini8e 8inikag ka iji tibendagozindjin.

Ebaro 5:9

Apitc dac kakina ka ick8a ijitadj ka iji nda8enimigogobanen Kije Manidon, ogi ani kackiton kidji minadjin kakina a8iagon ka ndotagodjin kagige kidji ag8acimagani8indjin.

1 Pien 3:22

Nogom dac aja 8ak8ig te Jesos, Kije Manidon okitcinikinikag ineke iji te. 8in nogom odogimakanan ajenin acitc kakina manidon ka kacka8indjin acitc ka macka8izindjin.