Kalecia 5:18 - Kije Manido Odikido8in: Ocki Mazinaigan

¹⁸ Kicpin dac pagidineg Mino Manido kidji 8abadaigo8eg adi ke iji pimadizieg, ka8in aja kitibenimigosina8an Coda8inni Inakonige8inan.

Kalecia 5:18 Iomraidhean Croise

John 16:13

Apitc dac pijadj Mino Manido ka teb8edj e mikomadjin Kije Manidon adi ejinagozindjin, kiga kikendamonigo8a kakina teb8e8ini Kije Manidokag ka odjimaganig. Ka8in 8inikag kada odjimagasini ke ikidodj. Misa kiga 8idamagom ka iji nodag acitc adi ke pi iji8ebag.

Ojibiama8agani8i8ag ka teb8etamo8adj Rom odenakag 7:4

Nidjiki8eg! Mi iidi ka ijiseieg kekina8a. Ka8in aja mamakadj kiga nosoneasina8an Coda8inni Inakonige8inan. Apitc mega Jesos Christ ka nibodj, mi maia tabickotc ka nibo8eg kekina8a ejinagozieg, 8inikag kidji gi iji tibendagozieg, 8in kagi abidjibaagani8idj nibo8inikag. Midac kigagi anokita8anan Kije Manido, e k8aiak8akamigiziak.

Ojibiama8agani8i8ag ka teb8etamo8adj Rom odenakag 8:12

Nidjiki8eg! Panima ki inadiziak ka iji min8endag Mino Manido, ka8in sa kidinendagozisimin kidji iji inadiziak kina8it tibina8e eji min8endamak.

Ojibiama8agani8i8ag ka teb8etamo8adj Rom odenakag 8:14

Kakina a8iagog Kije Manidon Omino Manidomini ka nosone8a8adjin, Kije Manido odabinodjijiman ijinagozi8ag.

Kalecia 5:16

Ki8idamonom dac oo8e. Pagidinik Mino Manido kidji 8abadaigo8eg adi ke iji pimadizieg. Ka8in dac kiga panaagesim adi eji mosa8endameg kidji todameg.

Kalecia 5:23

nokidee8ag, acitc okackitona8a kidji nagadjiidizo8adj enakamigizi8adj. Ketcinadj ka8in tag8asinon inakonige8in kidji ikidomagag ega iidi kidji iji pimadizinani8anig.

Kalecia 5:25

Mi aa Mino Manido ka minigo8ak pimadizi8ini, panima dac ki pagidinaiak kidji 8abadaigo8ak adi ke iji pimadiziak.

1 Timote 1:9

Pekic dac kikikendananan ini inakonige8inan ega egi ojitama8agani8i8adj a8iagog ka k8aiak8adizi8adj. Tiegodj, ini inakonige8inan ki ojitama8agani8i8ag igi8e a8iagog ega ka tibaage8adj, igi8e ega ka ndota8a8adjin Kije Manidon, acitc igi8e ega ka manadjia8adjin, igi8e ka nta patadi8adj, igi8e ka todamo8adj kegonan Kije Manidon ega ka iji min8endamindjin, igi8e ka papia8adjin ka aiamiendjin, igi8e ka nisa8adjin onigiigo8an konigotc kodagian a8iagon,

2 Timote 1:7

Ka8in mega Kije Manido kidodji minigosinan Mino Manidon kidji cag8enimo8ak, tiegodj kidji macka8iziak, acitc kidji sagii8eiak, acitc kidji nagadjiidizo8ak enakamigiziak.