Kalecia 4:21 - Kije Manido Odikido8in: Ocki Mazinaigan

²¹ Kina8a ka nda8endameg kidji tibenimigo8egon Coda8inni Inakonige8inan, pejig kegon ki8i k8ag8edjiminom. Kana kinisidotasina8an adi ekidomagagin ini Inakonige8inan?

Kalecia 4:21 Iomraidhean Croise

Min8adjimo8ini kagi ojibiag kitcit8a Mak 10:3

Jesos dac ogi nak8e8ajian: “Adi Mois ka ikidodj kidji todameg?”

Min8adjimo8ini kagi ojibiag kitcit8a Lok 16:29

“Abanaam dac ogi nak8e8ajian: ‘Kidjiki8eg ogagi nabo8adana8a 8egonen Mois acitc niganadjimo8innig kagi ojibiamo8adj Kije Manidon Omazinaiganikag. Midac panima ki iag8aminamo8adj ii.’ ”

John 10:34

Jesos ogi nak8e8ajian: “Mazinadeni Kije Manido Omazinaiganikag egi inadjin oo8eni ini a8iagon kagi onabamadjin kidji tibakonandjin odanicinabeman: ‘Mi maia tabickotc Kije Manido epitenimigo8eg. Mi tabickotc eji manadjiigo8eg 8in ka iji manadjiagani8idj.’ Psaume 82.6

John 12:34

Ini8e dac a8iagon ogi nak8e8ajiigon: “Mazinadeni Coda8inni Inakonige8ini mazinaiganikag kagige kidji pimadizidj aa8e Kije Manidon kagi ikidonipanin kidji pidjinijaogodjin. Adi dac 8edji ikido8an kidji icpak8a8agani8idj Ka pi Anicinabe8iidizodj? A8enen aa Ka pi Anicinabe8iidizodj?”

John 15:25

Midac iidi ka iji8ebag ii kagi mazinadenig Coda8innig odinakonige8ini8akag: ‘Anicagotc nigi madjenimigog,’ Psaume 35.19; 69.5(4) mazinadeni.”

Ojibiama8agani8i8ag ka teb8etamo8adj Rom odenakag 3:19

Kikikenimananag panima Coda8innig ki nosoneamo8adjin kakina Inakonige8inan kagi minigo8apanin Kije Manidon. Ka8in dac a8iag kadagi ikidosi ega e kikendag e panaagedj, acitc kakina a8iag Kije Manidon oga tibakonigon.

Ojibiama8agani8i8ag ka teb8etamo8adj Rom odenakag 6:14

Midac ka8in aja pagidinakegon patado8in kidji tibenimigo8eg. Aja mega kigi odisigona8a Kije Manido okitci ca8endjige8in, ka8in dac aja Coda8inni Inakonige8inan kitibenimigosina8a, ka 8abadai8emagagin e patadieg.

Kalecia 3:10

Anic dac igi8e a8iagog ka nosoneamo8adjin Coda8inni Inakonige8inan, e apacenimo8age8adj ii kidji odji k8aiak8abamagani8i8adj, oga ick8aienimigo8an Kije Manidon. Mazinadeni mega Kije Manido Omazinaiganikag oo8e: “Aa8e ega apanigotc ke nosoneagin kakinagotc ini Coda8inni Inakonige8inan kagi ojibiigadenigibanin, kada ick8aienimagani8i.” Deutéronome 27.26

Kalecia 4:9

Nogom dac aja kikikenima8a Kije Manido. Kek8an na8adj kada minoseban kidji ikidonani8ag e kikenimigo8eg Kije Manido. Adi dac 8edji kackito8eg kidji 8i koki apitendamegon ini Inakonige8inan acitc ijita8inan, ega ka macka8izimagagin, acitc ega odji pejig ka abadagin? Adi dac 8edji pagidinamegon kidji koki tibenimigo8egon?