Kalecia 3:17 - Kije Manido Odikido8in: Ocki Mazinaigan

¹⁷ 8adan oo8e 8a ikido8an. Aja 8eckadj ki nakomidi8ag Kije Manido acitc Abanaam. Midac ka ick8a nio midasomidana acitc nisomidana8e (430) pibonaganig, Kije Manido ogi minan Coda8inni Inakonige8inan odanicinabeman. Ini dac Inakonige8inan ka8in kadagi pigobidjigemagasino8an adi kagi iji nakomopan Kije Manido, acitc ka8in kadagi nabatcigadesini adi kagi ikidogobanen kidji todag Kije Manido.

Kalecia 3:17 Iomraidhean Croise

John 1:17

Mois kigi minigonan Kije Manidon odinakonige8inan, anic dac Jesos Christ kigi minigonan okitci ca8endjige8in acitc teb8e8ini.

Jesos Odanodaganan Odijitcige8ini8an 7:6

Mi oo Kije Manido ka inadjin: ‘Kidabinodjijimag kada tajike8ag pakan akikag, kada pi8ide8i8ag. A8iagon dac iima oga nanekadjiigo8an. Nio midasomidana8e (400) pibon inigik oga tibenimigo8an ini a8iagon.

Ojibiama8agani8i8ag ka teb8etamo8adj Rom odenakag 3:25

Kije Manido ogi pagideniman Jesosan kidji nibondjin, kidji gi odji kasiigadenigin opatado8ini8an igi8e ka teb8eta8a8adjin Jesosan. Midac ii ka todag Kije Manido kidji 8abadai8edj e kitci k8aiakozidj. 8eckadj ako ki kitci cacibendam acitc ka8in ododji pajacte8asi8an a8iagon tasinigotc ka pi iji patadindjin.

Ojibiama8agani8i8ag ka teb8etamo8adj Rom odenakag 3:3

Nandam Coda8innig ka8in ododji nosoneasina8an Kije Manidon odikido8ini. Ega dac egi todamo8adj adi kagi ikido8apan kidji todamo8adj, mi na acitc ke8in pejig8an ke inendag Kije Manido, ega kidji ijitcigedj adi ka ikidopan kidji todag?

1 Konit 1:12

Nigi nodage mane8aiag e iji nenicikeseieg. Nandam e tacieg ikido8ag: “Pon ninosone8anan.” Nandam ikido8ag: “Apollos ninosone8anan.” Nandam ikido8ag: “Pien ninosone8anan.” Nandam kiabadj ikido8ag: “Christ ninosone8anan.”

1 Konit 1:17

Ka8in mega Jesos Christ nidodji pidjinijaogosi kidji paba sigaada8ag8a a8iagog. Tiegodj, nigi pidjinijaog kidji paba tibadjimo8an min8adjimo8in, ega dac kidji k8ag8e minotagozian, kagita8endamo8in ooma akikag ka odjimagag e abadjito8an. A8iagog dac kada ani teb8etamog apitc 8abadamo8adj adi epitci macka8izimaganig ii min8adjimo8ini e mikomagani8idj Jesos Christ egi nibogobanen tcibaiatigokag, ka8in 8in e ndotaoji8adj e minotagozi8ag.

1 Konit 10:19

Adi dac 8in ii 8a ikidomagag? Ka8in 8in nidikidosi e kitabadizidj manidokan, acitc ka8in kek8an kitci apitendag8asini ii 8iasini kagi pagidinigetama8a8adjin manidokanan.

1 Konit 7:29

Nidjiki8eg! Mi oo8e 8a ikido8an. Inigik Kije Manido kagi minigo8ak pimadizi8ini aja kegat ick8aseni. Inendagozi8ag dac ka niba8i8adj kidji mamidonendamo8adj ooma akikag eta kidji iji niba8i8adj.

2 Konit 1:20

Jesos Christ mega ogi todan ketcinam kidji iji8ebanig kakinagotc adi kagi ikidodj Kije Manido kidji todag. E teb8eta8aiak dac Jesos, mi 8edji ikido8ak “Amen,” “teb8e ii” ka ikidomagag, kidji icpenimaiak Kije Manido.

2 Konit 9:6

Ka8in 8anikekegon oo8e ka ikidonani8ag ako: “Kicpin kitci pagi eta kitigean anominag, kitci pagi eta kada minatigo8i8ag kidji gi ma8adjiad8a. Kicpin dac kitci mane kitigean anominag, kitci mane kada minatigo8i8ag kidji gi ma8adjiad8a.”

Kalecia 3:15

Nidjiki8eg! Ni8i mikodan kegon ka nta ijiseg ako ooma akikag, kidji gi odji nisidotameg oo ka 8idamonagok. Apitc nijin a8iagog nakomidi8adj, acitc ojibiodizo8adj onakomo8ini8akag, ka8in ii pejig e niji8adj ogagi manibidosin kegoni kagi iji nakomo8apan, kek8an kidji ani8ag atodj kegoni.

Kalecia 3:21

Pakan na ikidomaganon Coda8inni Inakonige8inan adi kagi iji nakomopan Kije Manido kidji todag? Ketcinadj ka8in pakan ikidomagasino8an! Kicpin tag8agibanin inakonige8inan ka kackitomagagin kidji minigo8adjin pimadizi8ini a8iagog, oda k8aiak8abamigo8an Kije Manidon a8iagog e nosoneamo8adjin ini.

Kalecia 5:16

Ki8idamonom dac oo8e. Pagidinik Mino Manido kidji 8abadaigo8eg adi ke iji pimadizieg. Ka8in dac kiga panaagesim adi eji mosa8endameg kidji todameg.

Kalecia 5:4

Kina8a ka inendameg e k8aiak8abamigo8eg Kije Manido e nosoneamegon Coda8inni Inakonige8inan, aja kinicikesem Jesos Christikag. Aja kigi 8ebinana8a Kije Manido okitci ca8endjige8in.

Epes 2:12

Ii dac apitc, ka8in kikikenimasi8a8aban Jesos Christ. Pi8ide kidinagimigona8aban Kije Manido odanicinabemikag. Kije Manido aja ogi ojitama8abanin odanicinabeman nakomo8ini kidji 8idama8adjin adi ke todag kidji 8idoka8adjin. Kina8a dac ka8in kidacidagimigosina8aban Kije Manido odanicinabemikag. Ka8in mega kikikenimasi8a8aban Kije Manido ii apitc. Ka8in dac pabajine kidaiasina8aban apenimo8in ooma akikag.

Epes 4:17

Oo8e dac nidikidonan, e kitci sogi pagoseniminagok kidji todameg ka iji nda8endag ka Tibendjigedj. Ka8in 8ikad mina8adj inadizikegon tabickotc igi8e ega ka teb8eta8a8adjin Kije Manidon. Ka8in pabajine abadasini8an odinendamo8ini8an.

Kolosi 2:4

Mi oo8e eninagok, ega a8iag kidji 8agackibinigo8eg e minotagozidj meg8adj e kagina8ickidj.

Ebaro 11:13

Kakina igi a8iagog ka mikomagid8a ogi teb8eta8a8an Kije Manidon meg8adj ka pimadizi8adj, pinici kidji nibo8adj. Ka8in dac ododji odisigosina8an ini kegonan kagi ikidonigobanen Kije Manidon kidji migi8endjin. 8asag eta ododji 8abadana8agobanin ini kegonan, acitc kitci min8endamobanig ii odji. Meg8adj dac e pimadizi8apan, ki ikido8ag: “Mi maia tabickotc ka pi8ide8iak ooma 8akidakamig ejinagoziak, kitci 8enibik eta e tajikeiak ooma,” ki ikido8ag.

Ebaro 7:18

Coda8inni Inakonige8inan ka8in macka8izimagasinobanin, acitc ka8in odji pejig abadasinobanin. Ki manibidjigade8an dac.

1 Pien 1:20

Ab8amaci Kije Manido ka kijendag akini, aja ogi onabamabanin Jesosan kidji pi ag8acimigo8eg. Nogom dac Jesos kigi pi ag8acimigo8a, aja e peconag8anig kidji ponaki8anig.