Kalecia 3:11 - Kije Manido Odikido8in: Ocki Mazinaigan

¹¹ Kitci paietenag8an dac ega a8iag e kackitodj kidji k8aiak8abamigodjin Kije Manidon e nosoneagin Coda8inni Inakonige8inan. Mazinadeni mega Kije Manido Omazinaiganikag oo8e: “Aa a8iag ka odji k8aiak8abamigodjin Kije Manidon egi teb8etag, 8in 8edjidagotc kada pimadizi.” Habacuc 2.4

Kalecia 3:11 Iomraidhean Croise

Ojibiama8agani8i8ag ka teb8etamo8adj Rom odenakag 1:17

Mi mega ii8e min8adjimo8in ka 8abadai8emagag adi Kije Manido eji k8aiak8abamadjin a8iagon. Kidji k8aiak8abamadjin a8ian, panima ki teb8eta8andjin Jesosan. Mi eta iidi 8edji k8aiak8abamadjin. Mi maia pejig8an kagi ojibiigadenig Kije Manido Omazinaiganikag: “A8iag ka odji k8aiak8abamigodjin Kije Manidon egi teb8etag, 8in 8edjidagotc kada pimadizi.” Habacuc 2.4

Kalecia 2:16

Anic dac nikikendananan Kije Manido e k8aiak8abamadjin a8ian e teb8eta8andjin Jesos Christan, ka8in 8in ka iji mino ijitcigendjin e nosoneamindjin Coda8inni Inakonige8inan. Kenina8it dac nigi teb8eta8anan Jesos Christ kidji gi odji k8aiak8abamigo8ag Kije Manido egi teb8etamag, ka8in dac 8in egi nosoneam8aiakonin Coda8inni Inakonige8inan. Ka8in mega iaga pejig a8iag ka nosoneagin ini Inakonige8inan ogagi odji k8aiak8abamigosin Kije Manidon.

Ebaro 10:38

A8iagog dac ka k8aiak8adizi8adj, 8ina8a 8edjidagotc kada pimadizi8ag, egi teb8etamo8adj. Kicpin dac 8ebinamo8adj oteb8etamo8ini8a, ka8in niga min8endamiigosig.” Habacuc 2.3-4

Jak odojibiigan 1:27

8adan dac oo aiamie8in ka teb8emagag acitc ka min8endamiigodj Kije Manido Kidadaminan, kidji mikimaiakonig ki8acijanag acitc ka pejigo8adj ik8e8ag adi eji kodagito8adj, acitc kidji iag8amendamakonin kakina kegonan ka manadagin ooma akikag ega kidji pitci patadiak.

Jak odojibiigan 3:2

Mane8inaj kipanaagemin kina8it kakina. Kicpin a8iag ega 8ikad patadidj e anim8edj, maia kitci paiekidee aa, acitc okackitonadok kakina o8ia8 kidji tibendag.

Kagi iji 8abadaagani8idj John 5:9

Nigamobanig ocki nigamo8ini: “Kidapitendagozinan kidji odapinaman oo ka tidibanakosig mazinaigan acitc kidji manibido8anin ini pazag8aiganan. Kigi nisigonaban mega, acitc kimisk8i kigi abadjiton e kijikadamoto8an, Kije Manido kidji gi koki tibenimadjin a8iagon, kakinagotc adi enakanezindjin, adi ejigij8endjin, acitc adi 8edjindjin.