Kalecia 1:17 - Kije Manido Odikido8in: Ocki Mazinaigan

¹⁷ Ka8in kek8an Jerusalemikag nidodji ijasi kidji a8i nda 8abamag8a kodagiag Jesos Odanodaganan, aja kagi pi onabamagani8i8apan ab8amaci nin. Tiegodj, teci8ag Arabi (Arabie) aki nigi ija. Nage dac nigi koki ki8e Damas odenakag.

Kalecia 1:17 Iomraidhean Croise

Jesos Odanodaganan Odijitcige8ini8an 9:10

8edi Damas odena, pejig aa8e ka teb8eta8agobanen Jesosan, Ananias ijinikazogoban. Ki ijinam, ka Tibendjigendjin e igodjin: “Ananias!” Ananias ki nak8e8ajit8a: “Ka Tibendjigean! Kinadotaon!”

Jesos Odanodaganan Odijitcige8ini8an 9:19

Apitc ka ick8a 8isinidj, ki ani koki macka8izi. Saul 8enibik ogi 8idji tajikeman ka teb8etamindjin iima Damas.

Jesos Odanodaganan Odijitcige8ini8an 9:2

Ki a8i k8ag8ed8e kidji ojitama8agani8idj ojibiiganan kidji gi iji8idodjin 8edi Coda8inni aiamiemigi8aman Damas odenag ka tag8anigin. Ki k8ag8ed8e kidji pagidinagani8idj 8edi Damas kidji paba nanada 8abamadjin a8iagon Jesosan ka nosone8andjin. Kicpin dac mika8adjin iima, oga takonan acitc oga pidji8inan Jerusalemikag, naben kek8an ik8e8an.

Jesos Odanodaganan Odijitcige8ini8an 9:8

Saul ki koki pazig8i. Ki pakada8abi, ka8in dac odji 8abisi. Panima dac o8idji8aganan ogi sagindjinigon. Midac ka iji iji8inigodjin 8edi Damas.

Kalecia 1:18

Panima ka ick8a nisopibonagag Jerusalemikag ka ijaian, Pien kidji nda nagicka8ag kidji gi ani kikenimag. Nijota8ate dac nigi 8idji tajikema.