Kalecia 1:12 - Kije Manido Odikido8in: Ocki Mazinaigan

¹² Ka8in a8iagokag nigi odinasin oo min8adjimo8in, acitc ka8in a8iag nidodji kikinoamagosi ii min8adjimo8ini. 8in tibina8e Jesos Christ kagi kikendamonijidj.

Kalecia 1:12 Iomraidhean Croise

1 Konit 11:23

8adan oo8e ka kikinoamaojidj ka Tibendjigedj, acitc ka iji 8idamonagok. Ii apitc e tibikanig Jesos ka Tibendjigedj kidji ada8ecimagani8idj, ogi odapinan pak8ejiganan,

1 Konit 2:10

Kina8it dac ka teb8etamak, Kije Manido kigi kikendamonigonan ii, Omino Manidoman e abadjiadjin. Mino Manido mega kakina kegoni ocabo kikendan, 8a8adj okikendanan ma8adji aidadj ka tag8anigin Kije Manidon odinendamo8inan.

2 Konit 10:7

Mi maia tabickotc ega ka 8abadamegon kegonan ka kitci paietenag8agin e todameg. Kicpin pejig a8iag ketcinamendag Jesos Christikag eji tibendagozidj, kada mamidonendamoban kenina8it Jesosikag eji tibendagoziag tabickotc 8in.

2 Konit 12:1

Misa8adj ega odji pejig e abadag ii, misa kiabadj niga mikomidizonan. Niga mikodan nogom adi kagi iji 8abadaijidj ka Tibendjigedj inabamo8inikag, acitc 8egonen kagi kikendamonijidj.

Kalecia 1:1

Nin Pon kidojibiamonom. 8in tibina8e Jesos Christ kagi onabamijidj Odanodaganan kidji inagimigo8an, acitc dac ke8in Kije Manido Kidadaminan, 8in kagi abidjibaadjin Jesosan. Ka8in dac 8in a8iagog kagi onabamiji8adj, ka8in kek8an pejig a8iag kagi anonijidj.

Kalecia 1:16

nigi minig kidji kikenimagin Og8izisan, kidji gi a8i 8idamaomagin ega ka Coda8inni8indjin omin8adjimo8in. Ii dac apitc, ka8in a8iag nidodji a8i k8ag8edjimasi adi ke ijitcigeian.

Kalecia 2:2

Kije Manido mega nigi 8abadaigoban e nda8enimijipan kidji ijaian 8edi. Apitc dac ka tag8icinian, nigi ma8adjiidimin nina8it eta, nin acitc igi8e ka teb8etamo8adj ka niganizi8adj. Nigi 8a8idama8ag dac adi ako maia ekido8an apitc paba kagik8eian min8adjimo8in 8ina8akag ega ka Coda8inni8i8adj. Ka8in mega ninada8enimasi8abanig kidji inenimiji8adj: “Anodjigotc iji kagik8e,” acitc kidji odji nagabiniji8adj ii odji. Kicpin mega iidi ki iji8ebanogobanen, kitci anica nigi mikimonadok acitc kiabadj anica nitaji ijitanadok.

Epes 3:3

Kije Manido nigi 8abadaig adi ka iji onendagiban kidji todag, kabe ka kadama8agani8i8apan a8iagog. Aja mada pagi nigi ojibian.

1 Tesalonika 4:15

Nigi 8idamagonan ka Tibendjigedj oo8e ke ikido8ag nogom. Ka8in kina8it kiabadj e pimadiziak apitc koki tag8icig ka Tibendjigedj nitam kiga a8i 8idji8asi8anan Jesos, ab8amaci igi8e kagi nibo8adj.