John 8:25 - Kije Manido Odikido8in: Ocki Mazinaigan

²⁵ Midac ogi k8ag8edjima8an Jesosan: “A8enen dac kin maia?” Jesos ogi nak8e8ajian: “Ka ako madji kikinoamageian, kigi 8idamonom a8enen e aiaa8ian nin.

John 8:25 Iomraidhean Croise

Min8adjimo8ini kagi ojibiag kitcit8a Lok 22:67

Ogi k8ag8edjima8an dac: “Kin na aa8e Kije Manidon kagi ikidonipanin kidji pidjinijaogodjin? 8idamaocinam.” Jesos dac ogi inan: “Kicpin dac 8idamonagok, ka8in kiga teb8etaojisim,

John 1:19

Coda8innig ka niganizi8adj, Jerusalem ka odji8adj, ogi ijinija8a8an Coda8inni aiamie ogiman acitc aiamie anodaganan kidji k8ag8edjima8adjin Cabadisan: “A8enen dac kin?”

John 1:22

Kiabadj dac ki inagani8i Cabadis: “A8enen dac kin maia? Panima kegon nida inananag igi8e ka pidjinijaogo8ag. Adi ke iji inadjimidizo8aban?”

John 10:24

Kitci mane Coda8innig ka niganizi8adj ma8adjiidibanig 8ajagam Jesosikag, acitc ogi k8ag8edjima8an oo8e: “Aja 8eckadj nik8ina8i inendananan, ka8in mega kikikenimigosi. Anapitc dac ke 8idamagean a8enen kin maia. Kicpin kin teb8e aa8e Kije Manidon kagi ikidonipanin kidji pidjinijaogodjin, misa 8idamaocinam.”

John 19:9

Mina8adj dac ki koki pidige odogima8imigi8amikag. Jesosan dac ogi k8ag8edjiman: “Adi 8edosean?” Ka8in dac Jesos ki nak8e8ajitagesi.

John 8:12

Jesos mina8adj ogi aiamian a8iagon kitci aiamiemigi8amikag ka tendjin, e inadjin: “Nin aa ka 8asenama8adjin kakina a8iagon ooma akikag. Aa8e ke nosoneojidj, ka8in 8ikad ka iji kacki tibikanig kada iji pimosesi, tiegodj oga aian 8asea8ini taji ka odjimaganig pimadizi8ini,” ki ikido.

John 8:24

Mi ii 8edji ki ininagok kidji nibo8eg ega egi kasiigadegin kipatado8ini8an. Kicpin dac ega teb8etaojieg e tibadjimo8an a8enen e aiaa8ian, teb8e kiga nibom ega egi kasiigadegin kipatado8ini8an.”

John 8:26

Kitci mane kegon nidaian kidji ininagok acitc kidji odji tibakoninagok. Ni8idama8ag a8iagog ooma akikag kegonan eta kagi iji nodageian, kagi ikidodj aa8e kagi pidjinijaojidj, kabe ka teb8eiendagozidj,” ki ikido.