John 8:17 - Kije Manido Odikido8in: Ocki Mazinaigan

¹⁷ Ojibiigade kidinakonige8ini8akag kidji teb8eta8agani8i8adj nijin a8iagog tabickotc ikido8adj.

John 8:17 Iomraidhean Croise

Matio 18:16

Kicpin dac ega 8i ndotag, mina8adj koki nda 8abam, acitc k8ag8edjim pejig kek8an nijin kodagiag a8iagog kidji 8idjiok8a. Midac iidi ke iji nosoneameg kagi ikidomaganig Kije Manido Omazinaigan: ‘Kicpin a8iag inactaonagani8idj egi panaagedj, panima nijin kek8an nisin a8iagon kada ikido8an teb8e egi iji panaagedj iidi.’ Deutéronome 19.15

John 10:34

Jesos ogi nak8e8ajian: “Mazinadeni Kije Manido Omazinaiganikag egi inadjin oo8eni ini a8iagon kagi onabamadjin kidji tibakonandjin odanicinabeman: ‘Mi maia tabickotc Kije Manido epitenimigo8eg. Mi tabickotc eji manadjiigo8eg 8in ka iji manadjiagani8idj.’ Psaume 82.6

John 15:25

Midac iidi ka iji8ebag ii kagi mazinadenig Coda8innig odinakonige8ini8akag: ‘Anicagotc nigi madjenimigog,’ Psaume 35.19; 69.5(4) mazinadeni.”

2 Konit 13:1

Mi aja nisinanaj kidji pi ndaodeominagok. Meg8adj dac ke 8idji tajikeminagok, kiga nosoneananan adi ekidomaganig Kije Manido Omazinaigan: “Kicpin a8iag inactaonagani8idj egi panaagedj, panima nijin kek8an nisin a8iagon kada ikido8an teb8e egi iji panaagedj iidi.” Deutéronome 19.15

Kalecia 3:24

Midac iidi kigi nagadjiigonananan ini Inakonige8inan, pinici ka tag8icinogobanen Jesos Christ ooma akikag. Ka ick8a tag8icig dac Jesos, kigi kackitonanan kidji teb8eta8aiak, kidji gi odji k8aiak8abamigo8ak Kije Manido.

Kalecia 4:21

Kina8a ka nda8endameg kidji tibenimigo8egon Coda8inni Inakonige8inan, pejig kegon ki8i k8ag8edjiminom. Kana kinisidotasina8an adi ekidomagagin ini Inakonige8inan?

Ebaro 10:28

8adan ako, kicpin pejig a8iag ega 8i nosoneagin Moisan odinakonige8ini, acitc kicpin nijin kek8an nisin kodagian a8iagon ikidondjin egi 8abamigodjin e taji panaagedj, kadagi nisagani8i aa a8iag, ega odji pejig pagi kidji pabiziskendjigadenig kidji kidimagenimagani8idj.

1 John 5:9

A8iag ako ekidodj kiteb8etananan. Na8adj dac kida teb8etananan adi ekidodj Kije Manido. Na8adj mega teb8eiendagozi Kije Manido apitc8in a8iag, omikoman dac 8in tibina8e Og8izisan.

Kagi iji 8abadaagani8idj John 11:3

Ii dac apitc, niga pidjinija8ag nijin a8iagog kidji paba tibadjimo8adj adi kagi inanonag8a kidji ikido8adj. Kada makade8eginoo8ag dac kidji nag8anig e kackendamo8adj, acitc kada paba tibadjimo8ag nidikido8ini.” Mi ka igo8an.