John 6:42 - Kije Manido Odikido8in: Ocki Mazinaigan

⁴² Ikidobanig dac: “Kana mi 8aa Jesos, Josep og8izisan? Kikikenimananan odadaman acitc odjodjoman. Adi 8edji ikidodj ‘8ak8ig nidodji’?”

John 6:42 Iomraidhean Croise

Min8adjimo8ini kagi ojibiag kitcit8a Mak 6:3

Kana mi 8aa mitigonabe? Kana 8in aa Mani og8izisan? 8in Jak (Jacques), Coses (Joses), Jod (Jude), acitc Simo o8idjiki8e8an, kana? Ocimejan ka ik8e8indjin kakina tajike8an ooma kina8itinakag, kana?” Onagabinigona8aban dac ii kidji teb8eta8a8adjin Jesosan.

Min8adjimo8ini kagi ojibiag kitcit8a Lok 4:22

Kakina a8iagog okitci min8enima8abanin, pekic okitci mamakadenima8abanin e kitci minotagozindjin. Ikido8agoban: “Kana mi 8aa Josep og8izisan?”

John 1:45

Pilip dac ogi nda 8abaman Natanienan acitc ogi inan: “Nigi mika8anan aa a8iag Kije Manidon kagi ikidonipanin kidji pidjinijaogodjin, Mois kagi mikomagobanen odinakonige mazinaiganikag, acitc ke8ina8a Kije Manido oniganadjimo8inniman kagi mikomandjin. Jesos ijinikazo aa, Josep og8izisan, Nazaret ka odjidj.”

John 3:13

Ka8in 8ikad a8iag 8ak8ig ki ijasi, mi eta nin, Ka pi Anicinabe8iidizodj, 8ak8ig ka pi odjian.”

John 6:38

8ak8ig mega nigi pi odji, kidji todaman ka iji nda8endag aa8e kagi pidjinijaojidj. Ka8in nidodji pijasi ooma akig kidji todaman nin eji nda8endaman.

John 6:43

Jesos dac ogi nak8e8ajian: “Ponitaok eji mikomijieg.

John 6:62

Adi dac ke inendameg kicpin 8abamijieg nin, Ka pi Anicinabe8iidizodj, koki ki8eian adi ka odjian?

Ojibiama8agani8i8ag ka teb8etamo8adj Rom odenakag 9:5

8eckadj kikitci anicinabeminabanig Abanaam (Abraham) acitc Aisik (Isaac) acitc Tcekap (Jacob) iji odadabigicino8ag. Ke8in Jesos Christ Israelikag ki pi odji apitc ka pi anicinabe8iidizodj. Kije Manido8i aa, kakina kegoni ka tibendag. Midac kabegotc icpenimadan! Amen.

1 Konit 15:47

Adam, aa nitam nabe, ogi kijenimigon Kije Manidon, ajickini e abadjitondjin. Jesos dac 8in, aa ocki nabe, 8ak8ig ki pi odose.

Kalecia 4:4

Anic dac apitc Kije Manido kagi onendag kidji iji8ebanig, ogi pidjinija8an Og8izisan ooma akikag. Ik8ekag ki pi odji nta8igi Jesos, acitc Coda8inni ki inakanezi, inendagoziban dac panima kidji nosoneagin Coda8inni Inakonige8inan.