John 6:26 - Kije Manido Odikido8in: Ocki Mazinaigan

²⁶ Jesos dac ogi nak8e8ajian: “Teb8e ki8idamonom, ka8in egi nisidotameg adi 8a ikidomagag kagi iji mamada8izian 8edji nanada 8abamijieg. Tiegodj, kinanada 8abamijim egi am8eg8a pak8ejiganag acitc egi odji tebickono8eg.

John 6:26 Iomraidhean Croise

John 3:3

Jesos dac ogi nak8e8ajian: “Teb8e ki8idamon, ka8in a8iag ogagi 8abadasin Kije Manidon Odogima8i8ini kicpin ega koki nta8igidj.”

John 3:5

Jesos dac ogi nak8e8ajian: “Teb8e ki8idamon, ka8in a8iag kadagi pidigesi Kije Manidon Odogima8i8inikag kicpin ega nibikag acitc Mino Manidokag odji nta8igidj.

John 6:14

A8iagog dac egi 8abama8adjin e todamindjin ii mamada8izi8ini, ki ikido8ag: “Ketcinadj mi aa niganadjimo8inni ka piaiak kidji pijadj ooma akikag!”

John 6:15

Jesos dac ogi kikendanagoban kidji pi nadji8inigodjin, e 8i ogima8iigodjin. Midac mina8adj ki koki ija pik8adinajicikag 8in eta.

John 6:2

Kitci mane a8iagon onosoneogobanin egi 8abadamindjin mamada8izi8inan ka todamogobanen e kigeadjin ka akozindjin.

John 6:24

Apitc dac igi a8iagog ka pabiziskendamo8adj ega iima e tenipanin Jesosan kek8an okikinoamaganan, ki pozi8ag iima tcimanikag. Midac Kaponaom ki ija8ag kidji nanada 8abama8adjin Jesosan.

John 6:30

Midac ogi ina8an Jesosan: “8egonen mamada8izi8in kegi todamaban kidji gi teb8etago8an? 8eckadj kikitci anicinabeminabanig ogi am8a8abanin ini pak8ejiganan kagi minigo8adjin Kije Manidon pig8adakamigokag. Tabickotc Kije Manido Omazinaigan ekidomaganig: ‘Ki minagani8i8ag pak8ejiganan 8ak8ig e odjisendjin.’ Exode 16.4,15; Psaume 78.24 Kin dac, adi ke todaman?” ogi k8ag8edjima8an.

John 6:36

Oo8e dac aja kigi 8idamonom, kigi 8abamijim, misa8adj dac ka8in ki8i teb8etaojisim.

John 6:47

Teb8e ki8idamonom, a8enenigotc e teb8etaojidj odaian kagige pimadizi8ini.

John 6:53

Jesos dac ogi inan: “Teb8e ki8idamonom, kicpin ega midjieg Ka pi Anicinabe8iidizodj o8ia8 acitc ega minik8eieg omisk8i, ka8in kigagi aiasina8a kagige pimadizi8in.

John 6:64

Misa8adj dac, nandam kina8a ka8in kiteb8etasina8a, mi 8edji ininagok ega a8iag kidji pi nazikaojidj kicpin ega Nidadaman pagidinigodjin,” ogi inan. Jesos mega aja 8eckadj okikendanaban a8eneni8an ega ke teb8etagodjin acitc a8eneni8an ke mamijimigodjin, ka ako madjitadj kidji kikinoamagedj.

Ojibiama8agani8i8ag ka teb8etamo8adj Rom odenakag 16:18

Ka8in odanokita8asi8a8an ka Tibendjigendjin Jesos Christan igi a8iagog. Tiegodj 8ina8a tibina8e adi eji mosa8endamo8adj otodana8a. Kitci minotagozi8ag, acitc omin8adjima8an a8iagon. Midac iidi eji 8agackibina8adjin ini8e ega ka nisida8inago8adjin ega k8aiak e kikinoamage8adj.

Pilip 2:21

Kakina dac kodagiag a8iagog 8ina8a eta kidji k8ag8e mino todadizo8adj odiji mik8endana8a. Ka8in opabiziskendasina8a adi Jesos Christan ka iji nda8endamindjin kidji todamo8adj.

Pilip 3:19

Igi8e dac kada nici8anadjiagani8i8ag. Ka8in mega onosone8asi8a8an Kije Manidon, onosoneana8an eta ini kegonan 8ina8a tibina8e ka iji nda8endamo8adjin. Kitci agadendagozi8ag adi enakamigizi8adj, pekic dac kitci inenimidizo8ag ii e todamo8adj. Mi eta kegonan ooma akig omik8endana8an.

1 Timote 6:5

Apanigotc aiajidemidi8ag. Madji kegonan mega omamidonendana8an, acitc ka8in aja okikendasina8a Kije Manidon oteb8e8ini. Odinendana8a mega: “Niga kitci coniakemin kicpin anokita8agidj Kije Manido.”