John 5:38 - Kije Manido Odikido8in: Ocki Mazinaigan

³⁸ Ka8in kikana8endam8asi8ana8an odikido8inan kidei8akag. Ka8in mega kiteb8etaojisim, nin ka pidjinijaojidj.

John 5:38 Iomraidhean Croise

John 1:11

Ki pija ooma 8in odakikag, misa8adj dac o8idji anicinabeman ka8in ododji nda8enimigosin.

John 15:7

“Kicpin dac 8idjiojieg acitc nosoneameg ka ikido8an, 8egonenigotc pagosenimeg Kije Manido, kiga minigo8a.

John 8:37

Nikikendan Abanaamikag egi pi odaiagizieg. Anic dac kinanada8i nisijim, ega e 8i ndotameg nikikinoamage8in.

Kolosi 3:16

Pagidinamok ii min8adjimo8in ka odji kikenimagani8idj Jesos Christ mizi8e kidji kigickago8eg. Abadjitaok kakina kagita8endamo8in ka aiameg kidji kikinoamadieg kakina pepejig e tacieg acitc kidji 8idama8idieg adi enendagozieg kidji inakamigizieg. Nigamok 8eckadj kitci nigamo8inan Kije Manido Omazinaiganikag ka odjimagagin, acitc ocki aiamie nigamo8inan, acitc nigamo8inan ka minigo8eg Mino Manido, mig8etc e ineg Kije Manido enigokodeeieg.

1 John 2:14

Abinodjijag! Mina8adj kidojibiamonom kidji mik8endamiinagok e kikenimeg Kije Manido Kidadaminan. Kina8a kitci anicinabeg! Mina8adj kidojibiamonom kidji mik8endamiinagok e kikenimeg aa8e aja ka tepan apitc kakina kegoni ka madjitamaganig. Kina8a ka ockinigieg! Kidojibiamonom mina8adj kidji mik8endamiinagok e kitci macka8izieg. Kinadotana8an mega Kije Manido okikinoamage8inan acitc kigi cagodina8a madji manido.